•   黃色火災危險警告現正生效 - 資料由天文台提供 31oC 60 %





嬰幼兒產品用家評台
王國商店facebook專頁
王國facebook
義工

搜索
親子王國 首頁 產前產後 對翹康失去信心....
查看: 2666|回覆: 31
go

對翹康失去信心....

大宅

Rank: 5Rank: 5


3824
發表於 11-7-13 16:04 |顯示全部帖子
一直聽人講翹康幾好, 口埤都唔錯....但睇過幾次都好失望, 尤其今日去睇葉e生......攪到我而家好擔心,番黎喊左幾次, 最慘係睇完都唔知bb有乜事.....係咪覺得好攪笑? 我本身一直都有流啡, 咁我同佢講有啡, 佢同一般e生既答案都係話無問題, 好多孕婦都係咁架啦....okok...再入去照bb, 佢第一句就話咩少少掂住喎, 小心d啦......咁我梗係好緊張問佢咩意思, 佢竟然話你唔好咁緊張, 你咁緊張好多e生都怕左你, 唔會同你講有依個情況架...我真係o哂咀.....再追問佢, 佢就話bb好正常, 好多孕婦都係咁.....真係激死, 試問有邊個阿媽會唔擔心自己個bb? 根住我問佢心跳, 佢話正常, 我就問佢有幾多下, 佢話唔會幫你數架喎....最過份係張超聲波相影唔到阿b 個樣, 無度到個身有幾長, 淨係影住隻腳, 度腳個size......我問佢岩唔岩week數佢又話岩....點算好呀?? 我阿b究竟乜事呀? 我諗我唔會再去翹康架啦, 上次睇余e生都係覺得佢麻麻地咋, 問咩問題佢都係一致話唔使咁擔心, 無問題, 我話我有黃色分泌, 佢都話係正常, 重叫我去健康院度check......唔知係唔係我唔係大陸人, 又係政府生點解d 醫生咁離譜架, 我係咪應該再去第二間診所照多次好呀?? 大家有無好介紹, 最好係沙田區, thanks!
王國熱話
Serena 交流區
狼胎的交通意外
跣軚
比車房代辦政府驗車,一般收幾錢?

點評

hebe2010  你指既 DR YU 係咪余啟文呀 ?  發表於 11-7-15 15:39

珍珠宮

Rank: 11Rank: 11Rank: 11Rank: 11


39379
發表於 11-7-13 16:15 |顯示全部帖子
本帖最後由 bluetulip 於 11-7-13 16:20 編輯

會唔會都係個別醫生問題?

我看余啟文的, 佢ok啦, 我都有同佢講流黃色分泌, 佢話無痕無痛都正常, 所以你唔好咁擔心. (我中醫都係咁講, 佢話黃係熱氣or濕熱, 飲左佢d藥, 係淡色左好多.)

上星期我去照oscar, 係x世源, 佢都好細心, 唔同角度照bb比我看, 亦有話我知心跳速度.

不過看醫生都係要夾, 希望你揾到個令你安心的醫生.

大宅

Rank: 5Rank: 5


3824
發表於 11-7-13 16:19 |顯示全部帖子
回覆 bluetulip 的帖子

請問你係咪搵余e生接生?? 我都有睇過佢一次, 我有好多問題問佢, 佢個樣有d 唔耐煩咁.....問佢胎盤底唔底時, 佢又話你太擔心啦, 唔係人地底你就係底.....

珍珠宮

Rank: 11Rank: 11Rank: 11Rank: 11


39379
發表於 11-7-13 16:28 |顯示全部帖子
回覆 karenivy 的帖子

我係打算揾佢接生, 因為上網見其他媽媽話他鼓勵順產, even開刀手勢都好.

我覺得佢唔係非常細心, 講說話亦唔係苦口婆心果d, 聽唔慣會覺得佢冷淡左d.
但我同老公暫時都覺得ok. 起碼我問的佢都答到我.

p.s. 未有之前我揾過佢看婦科, 佢反而嫌我無乜野問佢.

別墅

Rank: 4


519
發表於 11-7-13 16:31 |顯示全部帖子
仁安啲醫生係串啲嫁

點評

bluetulip  但x世源幫我照oscar一d問題都無wor.  發表於 11-7-13 16:38

別墅

Rank: 4


766
發表於 11-7-13 17:04 |顯示全部帖子
我4w時都有流啡,持續1w.
當時好擔心周圍睇下有邊個產科醫生可以即刻俾到時間我睇. 最後我去左仁安, 當時醫生淨係話好多人都有流啡,唔痛唔係紅就ok. 仲照埋bb心跳俾我睇, 其他乜都冇講.
之後隔左2w 我就去睇余醫生,個陣已經冇流啡. 我當時都有再問有關流啡嘅野, 佢話 3個孕婦會有1個流啡, 總之唔痛,唔係見紅就唔洗擔心.
我覺得醫生甘答你都係唔想你擔心, 如果真係有問題 eg. 胎盤底 佢會話你知. 我覺得最好係要放鬆心情, 唔好甘緊張. 你甘緊張bb都會好大壓力架.

大宅

Rank: 5Rank: 5


4562
發表於 11-7-13 17:20 |顯示全部帖子

回覆:對翹康失去信心....

其實翹康d醫生ok wor,不過有時睇e生都要睇下你同佢夾吾夾!通常e生都好怕d病人好多問題問,因為可能講俾你聽,你吾一定明,如果你真係有事嘅,佢一定會話你知你究竟咩事。如果樓主真係覺得呢個e生同你吾夾,不如搵過另外一個e生睇了!不過有時d醫生真係串串地,可能壓力大啩



男爵府

Rank: 6Rank: 6


5737
發表於 11-7-13 17:30 |顯示全部帖子

回覆:對翹康失去信心....

果個咁嘅葉醫生,癈架,專呃錢,我開頭看佢,做完唐氏,已經好擔心,三日後叫姑娘打俾我,話醫生想見見我,驚到想喊,問姑娘報告點。佢又話無事,低風險,咁唯有返去啦,點知,個死醫生只係話報告低風險,問我考唔考慮做抽羊水,我當然唔做,之後咩都無做,收左四百五,後來轉左盧醫生好正



點評

karenivy  盧e生係咪都係翹康架??  發表於 11-7-13 21:04
mrsjimmy  係咪葉X楷醫生??  發表於 11-7-13 17:35

大宅

Rank: 5Rank: 5


1958
發表於 11-7-13 18:11 |顯示全部帖子

回覆:對翹康失去信心....

如果唔夾個醫生,或且睇完個心唔舒服就轉第二個醫生好了。最緊要你happy : )

不過唔知我有無記錯,好似照超聲波係無量胎生身長,只量頭圍、肚圍、腿長。(我睇過三個醫生)同埋唔通階段量既野唔同架好似

我d醫生好似真係無特別講心跳幾多下,可能因為我都無問掛,正常就好了,relax。

醫生最緊要令你放心同信服佢,如果佢不能令你安心,再搵過第二個醫生夾你啦!

要開開心心!



別墅

Rank: 4


712
發表於 11-7-13 18:29 |顯示全部帖子

回覆:karenivy 的帖子

好多人話葉醫生好,我就真係好麻麻,上胎到36周幾,因余醫生放假就由葉醫生代診一次咁多多,我一早已約左38周幾開刀,一入去就話我小便既糖份高,就算我仲有兩星期生得,都要捉我去飲糖水,跟住照時話呀b臍帶纏頸,我話醫生一直冇講過,佢又唔講纏成點,攪到我兩公婆好擔心,到下星期見番余醫生,我地緊係好緊張問佢,佢話我d糖份係有d高,但已到最後一week,唔駛飲糖水驗,佢又好細心解釋臍帶纏頸既情況,仲講笑話鬆過佢條呔,一d問題都冇,我地兩個白白驚左成個星期,今次因dr Yu突然要接生冇辨法睇我,佢親自打電話俾我say sorry話嗰日真係冇時間同問我情況

我最初都對佢麻麻,但後來就知如你冇事健健康康,佢真係好寸,但你真係需要佢professional help/advice時,佢可以comfort到你,好多人想睇佢都冇晒位喇,你睇下會唔會搵到個同你夾既醫生,otherwise,佢都係唔錯既choice(in terms of professionalism)



複式洋房

Rank: 3Rank: 3


379
發表於 11-7-13 19:17 |顯示全部帖子

回覆:KumaLeung 的帖子

可能真係人夾人吧,我睇開葉e生,老公同我都覺得好ok,記得他在提我做Oscar and照結構時,都叫我可以出去政府度照,可以慳番d,態度仲好好添



伯爵府

Rank: 8Rank: 8

馬年勳章 畀面勳章 BK Milk勳章


16488
發表於 11-7-13 19:44 |顯示全部帖子
我第一胎同依家呢胎都係睇葉醫生, 都覺得葉醫生OK呀, 可能真係人夾人啦

大宅

Rank: 5Rank: 5


3525
發表於 11-7-13 20:03 |顯示全部帖子
回覆 karenivy 的帖子

唔系book開邊個醫生就邊個睇邊個醫生噶咩?我去親產檢醫生都會主動話阿b既心跳我知噶,點會唔數阿?超聲波同有測胎心機噶,2樣都可以數到,都唔使醫生自己數噶,距真系有d求其咯,加上我次次產檢都會照下阿b的心跳,胎水,有時都照下個樣,如果照到就比相你,如果照唔到就唔俾咯。加上醫生都會幫你睇下個宮高,d手腳有無問題,又問你自己有無問題,如果有距就會解答話你知噶。次次產檢都俾成幾百蚊,唔問清楚點得阿?加上系自己阿b窩,如果甘就其,去健康院都得啦,使咩穩距窩

大宅

Rank: 5Rank: 5

畀面勳章


2239
發表於 11-7-13 20:04 |顯示全部帖子
我想請問如果我唔係仁安生,只係去做產檢,醫生會好求其嗎?
另外,請問沙田有好醫生介紹嗎?
THX!!

大宅

Rank: 5Rank: 5


3824
發表於 11-7-13 20:47 |顯示全部帖子
回覆 helloangelkitty 的帖子

你講得好岩呀, 比成六百呅只有咁既服務, 真係好激氣.......其實我睇翹康只有3次咋..第一次係睇董e生 (5w), 當時係未照到心跳, 我見流啡先睇佢, 可能我無乜事, 好快就睇完...第二次就係余e生 (7w), 佢係講好多道理咁, 唔會覺得佢想趕你走, 當時只知有心跳, 我又無諗過心跳正唔正常或者幾多下為之正常, 因為我第一次懷孕真係乜都唔知......到左今日睇葉e生(16w), 我睇過好多人講心跳要120-160先為之正常, 我梗係好想知我個bb幾多下....點知佢咁樣答我, 我今日睇佢係因為余e生放假, 但我都唔知余e生下次肯唔肯bb心跳我知囉......我睇番個3次張超聲波相都無講心跳幾多下, 都唔知係咪翹康唔講bb心跳? 所以我唔知幾多週會度咩部位, 佢地d 醫生無講, 我就乜都唔知架啦.....

係呢, 你個醫生幾好咁喎, 你係邊度睇架??

大宅

Rank: 5Rank: 5


3824
發表於 11-7-13 20:51 |顯示全部帖子
回覆 KumaLeung 的帖子

係呀, 依個葉e生真係好鐘意嚇人, 講d唔講d咁, 我家姐頭先打電話去嘈, 之後個葉e生先打電話黎解釋, 話我個胎盤有少少掂到子宮頸喎......真係比佢激死...

你講好個個e生係咪余e生呀?? 我八月都book左佢, 可能睇多佢一次, 因為真係好多人讚佢...

大宅

Rank: 5Rank: 5


4047
發表於 11-7-13 21:00 |顯示全部帖子
其實你唔鐘意佢, 佢應該睇過第二個, 因為你己經對佢無信心, 咁佢講咩野你都唔會信, even佢話你bb正常.

我而家37週, 我唔係睇仁安嘅醫生, 但我睇開私家醫生只係係最初期俾我聽bb心跳同埋專登用u/s度bb心跳數一次.

其實每次都唔會有太多野講, 初期照bb個頭有幾大, 身長, 男定女.

中期就會講多d內臟情況, 有無兔唇, 男定女,腿骨長度, bb肚圍, 胎水夠唔夠, 同bb重量.

尾期就講有無臍帶纏頸, 胎水多少, 胎盤位置, 有無轉身, 腿骨長度, bb肚圍同bb重量, 仲會講臬丸生左未 (因為我陀仔).

可能佢次次都話正常, 其實我都無野好問. 因為我信佢, 而且佢有問題, 佢會自然同我講架啦. 所以照左10分鐘倒就可以走人.

我諗你睇開呢個醫生無同你講胎盤位置正唔正常, 咁就等如係正常, 可能你本身有流啡, 所以你太過担心bb健康, 而你本身對醫生信心度不足, 令你對佢嘅態度越黎越不满, 而佢又覺得你太過緊張, 所以引致唔會啫.

就算你個醫生好叻, 與其你每次產檢都唔開心, 你不如揾過另一個啦, 咁產檢都愉快d, 又令你安心d嘛.

大宅

Rank: 5Rank: 5


4263
發表於 11-7-13 22:40 |顯示全部帖子

回覆:對翹康失去信心....

我宜家27w一直都係睇開葉醫生,so far一直都ok,而我第一次見佢亦有問我仁安定政府生,我已經答左係威爾斯生,除左book唔到結構之外其他野我都ok滿意,可能真係人夾人啦!



大宅

Rank: 5Rank: 5


1710
發表於 11-7-13 23:15 |顯示全部帖子
我第一胎&而家呢胎(15w)都响翹康搵吳x傑醫生產檢(政府生),我覺得佢好好,細心、有耐性、人又nice~
次次都會好詳細咁照bb,度哂身長、大腿骨長、頭圍、肚圍、心跳、胎水、臍帶etc...仲會一邊照一邊講解、描述~ (當然唔同階段會度以上唔同部分!)

余醫生我都睇過一次...因佢响我屋企附近亦有門診,本來打算呢胎搵佢近近地,唔駛帶住大囝出咁遠!
第一次睇係本身booking前一個星期,因持續流紅色嘅"啡"幾日都唔停,於是打去問可否提早見醫生的...雖然佢俾我即日加插睇症,不過個人認為佢真係好趕時間&有點寸!我有問題想問,但條問題未講完,佢已經同我講咗2次bye bye...
所以最後都係出返去睇吳醫生!

大宅

Rank: 5Rank: 5


3086
發表於 11-7-13 23:30 |顯示全部帖子

回覆:對翹康失去信心....

睇醫生真係人夾人,我生兩個都睇余醫生,佢好好,陀細b時我都不斷流啡,佢都話好平常,佢通常唔會講埋d 嚇人說話令人好擔心!細b出咗世有事,佢俾意見我,仲幫我聯絡政府醫院既兒科主管跟進阿仔情況!我身邊睇佢既朋友都覺得佢好!
至於葉醫生,因為生細仔時余醫生受傷,由佢替我開刀,開刀前佢叫我去見佢一次,果一次佢了解一下我個情況,又講下開刀d野,果次係沒有收錢呢,之後住院幾日都覺得佢幾好!