上次出完左,沙煲焗多寶魚,蘿蔔糕,成半年無出新餸,有媽咪早陣子問有沒有新介紹,我想了一下,由於今晚有朋友來食飯,所以就早兩日買定腩肉,近年 靚燒腩 要成 八九十 蚊斤,今次就教大家做 “大力-燒肉”,每斤可以慳反 60蚊 (帳面)。
各位去片:
材料 :豬腩肉 2 斤 (冰鮮己可以約 32蚊斤或新鮮,以中間有一層層肥瘦,以瘦肉多為覩,人少就一斤鬆 D )
五香粉 適量
粗鹽 蓋面
幼鹽 (落去 Yip 豬腩,用少少幼鹽已可,因五香粉己咸咸地)
蘋果 或 洋葱
工具 : 焗爐 (這對沒焗爐家庭比較麻繁,查實焗爐可做好多餸菜,細個衹是三數百元,而做兩次燒腩己歸本。焗爐約 16 寸闊,最大 250 度)
插一個 (可以係冰插或家品雜貨店插約 $5 - 10)
先去街市買件豬腩肉約 2 斤,以中間有一層層肥瘦,以瘦肉多為覩,人少就一斤鬆 D,今次係做左手面約一斤12兩,沒有排骨 (右面有排骨要焗多20 分鍾)
洗淨,在腩肉搽上五香粉 及幼鹽 "適量" 落鹽唔好太重手,不要太多幼鹽,否則會咸,尤其件肉唔太厚!
面頭件皮什麼也不用搽,保持清潔,成碟不用蓋早一日放入雪櫃,係放下面擺普通食物果格,以 早一日為合 (趕就 5, 6 小時都可,要抹乾豬皮),以吸乾猪皮水份!
乾後用插把腩肉皮插花,不要太深,插入去少少便可 (1 -2 MM),太深插到出晒油,皮就唔脆,但一定要多同密 D !