•   酷熱天氣警告現正生效 - 資料由天文台提供 31oC 71 %





嬰幼兒產品用家評台
王國商店facebook專頁
王國facebook
義工

搜索
親子王國 首頁 夫婦情感 老公做得唔開心想轉工 , 成日唉聲嘆氣 :-( ...
查看: 1257|回覆: 16
go

老公做得唔開心想轉工 , 成日唉聲嘆氣 :-(

大宅

Rank: 5Rank: 5


4793
發表於 06-5-13 00:44 |顯示全部帖子

老公做得唔開心想轉工 , 成日唉聲嘆氣 :-(

我老公係速遞公司做野既 . 自從佢果組個阿頭做錯野俾人調職之後 , 叫做有3個人夾份睇住個部門既運作 . 除我老公之外 , 有個title & 年資都高過佢既女人 (失婚中年婦人 , 識得馬住老細) , 另一個男人就無咩野既 , 自己做自己野 , 不過係皇馬褂 . 果個女人成日依賴晒我老公 , 一係就中眼訓唔做野 , 一做就成日做錯野 . 呢幾日佢又做錯野 , 搞到我老公無o拿o拿俾佢地上司炸型 , 但明明唔係佢做錯 , 仲要當我老公係佢地三個之中既阿頭 , 叫佢同個女人講做野醒定d . 如果唔係會叫另一個回巢既開國功臣去 in-charge 佢地 .
我老公慶在 , 佢一向都儘心儘力 , 做好本份 , 要人用時 , 到頭來公司無俾機會佢上位 , 反而搵一個對個部門唔熟阿叔黎 in-charge . 其實佢個阿頭調走左都年幾喇 , 公司都無明確搵個人黎 in-charge , 亦無係佢地三個之間揀一個出黎 .
平時佢都有講話份工壓力好大 , 無得出去食lunch , 只可以係個工作岡位扒兩啖就要做野 . 請大假要扣錢 (如果唔當請大假就扣 $5xx/日 ; 當大假就扣少d , $3xx/日) , 咩公司黎咖 ??!!
依家可能做得真係好唔開心 , 無晒心機 , 成日唉聲嘆氣 . 佢話如果真係搵果個阿叔黎 in-charge , 佢實唔撈 ! (佢都做左8年) 話寧願搵唔番個人工都好過留係度唔開心 .
我呢兩日都有哄佢 , 安慰佢 , 但都仲係死下死下咁 ! 成日話唔想做 !
我知佢真係好谷氣 , 雖然轉工一定搵少幾千 (到時實樓都供唔起) , 我都話支持佢 . 佢話想渣做貨 van , 我話咁咪賣左依家部私家車囉 , 供部貨 van 囉 , 佢又話 : "話咁易咩 ?" 但其實佢已經問緊渣緊貨 van 朋友既行情 . 我話你既然做得唔開心咯 , 決定左咪快快脆脆搞囉 !
佢話就算搵唔到食 , 咪賣樓租樓住囉 ! 咁我咪話要著手搞咖喇 ! 放屋都唔係咁快放到加嘛 ! 咁我話離職要一個月通知 , 好搵定工啦 , 佢又係覺得我係度講緊收廢話咁 !
其實佢轉工我都好頭痕咖 ! 我平時份人工用黎俾屋企水, 電 , 什項 , 食飯開支 , 根本無錢剩 , 亦無私己 . 再少多幾千真係頂唔住咖喇 !
原本仲諗住下個月開始做人計劃添 , 睇黎都要擱置啦 ! 再大埋肚就仲更加頭痕 !
我都唔知我可以點幫佢 . 以前佢都講過份工辛苦做得唔開心 , 我就話出到去可能搵少幾千咖 , 勸佢唔好唔做 . 果時又話我唔支持佢 .
好喇 , 早幾個月有個舊老細搵佢去做開荒牛 , 佢又左諗右諗 . 我都支持佢出去咖 , 因為個舊老細幾年以黎都一路有叫佢過檔咖 , 留係依家呢間公司都無發圍咖啦 ! 倒不如走 ! 係佢唔知顧慮d咩唔去之嘛 !
呢兩晚佢訓唔著 , 成日唉聲嘆氣 , 搞到我都好有壓力 . 出口話支持佢走 , 佢又話我諗野太簡單 , 成日唔明佢點點辛苦 ...
我怕我有日會忍唔到我d脾氣呀 ! 我淨係知一日唔解決就一日佢都唔會開心 . 大家住埋同一間屋 , 佢唔開心, 我都好難受咖 !

侯爵府

Rank: 9Rank: 9Rank: 9


21079
發表於 06-5-13 02:14 |顯示全部帖子

Re: 老公做得唔開心想轉工 , 成日唉聲嘆氣 :-(

gogogo 如果我係你老公呢...就點都要死到一份有返咁上下多人工既工先會轉工羅, 如果唔係就死都唔轉喇.

咁你話老公有私家車, 如果真係搵少左, 咁唔要私家車一個月都慳唔少啦, 而且我覺得要以家庭為重, 所以如果搵唔到差不多人工既新工, 我無面挨死我都唔走架喇, 除非佢炒我啦~~

不過, 聽你講就覺你老公好大男人啦, 所以我唔會比意見佢, 講咩都死既, 唯有話, 佢點做我身為老婆都會全力支持佢羅, 唔係點喎~~~
希望每天開心渡過 ;-)

大宅

Rank: 5Rank: 5


2754
發表於 06-5-13 10:07 |顯示全部帖子

Re: 老公做得唔開心想轉工 , 成日唉聲嘆氣 :-(

我工作都好唔開心,部門重整,好多野都係度變緊,日日返工都唔開心,我都成日唉聲嘆氣,我男朋友見到我咁都好唔開心,但係如果我未搵到一份同而家差唔多人工的工,我係唔會走ga...

我唔知你老公的情況有幾嚴重,但係我已經係屈到病,胃抽筋氣管炎,斷斷續續咁病了兩個月,瘦左十幾磅,又唔夠休息唔夠訓,因為星期六日公眾假期都要返公司做野,做到晚上十點幾十一點,我已經四個星期無放過假,大假我有,而家有成十幾日未放,但係我入紙佢地唔批。我的主診醫生話我好需要休息,同埋搵方法release我的壓力,但係我放唔到假,日日都訓唔到,一訓就諗住工作的野,佢話如果我keep住咁,要refer我去睇精神科喎...我而家已經食緊抗抑鬱葯,希望到時唔洗refer啦...
8-)

子爵府

Rank: 7Rank: 7Rank: 7

好媽媽勳章


11949
發表於 06-5-13 10:08 |顯示全部帖子

Re: 老公做得唔開心想轉工 , 成日唉聲嘆氣 :-(

其實你老公做得唔開心...佢想搵個第二份工做...你個陣時叫佢唔好唔做...因為未必搵到份人工差唔多...或者會少d錢...咁你老公就覺得你唔支持佢...而家你老公同你講同一番說話...你就支持佢...叫佢快d搵第二份...係你老公既立場諗...佢梗係話你唔明佢啦...因為...佢都知道屋企既情況...如果出去搵個份...人工又差d...未必有咁高人工既工比佢做...二黎又未必搵到一份o岩自己既工...口就話唔開心...唔想做...但係個間公司都做左八年...唔多唔少都有感情...而且所有野都熟識晒...如果搵個第二份工做...可能運作上要從新適應...而且可能做耐d...又覺得唔適合自己...你老公想揸貨yan...咁佢係想用黎代步...定係搵食...如果想搵食...咁你老公真係要諗清楚...揸貨van搵食...唔係你想像之中咁易...如果想搵多d錢...每個月要比大確幾百至一千元去call台...一間call台一千...幾間就要幾千...人地打上去call車用...搬屋又好...搬貨又好...跟住call台就會搵你老公去做...如果你老公有門口...唔需要靠call台...咁就無問題...其實你老公都係想講出黎...佢未必真係想轉工...只係谷係個心到...返屋企咪話唔想做...你可以同佢講...老公...我知道你唔開心...唔想再做...但係我知道你有好多顧慮...無論你想點...我都會支持你...有陣時...你老公放工返黎...你可以幫佢按摩...或者陪佢落街跑步...將唔開心既野...發洩出黎...都可以有幫助...



[url=http://lilypie.com][img]

大宅

Rank: 5Rank: 5


1243
發表於 06-5-13 12:07 |顯示全部帖子

Re: 老公做得唔開心想轉工 , 成日唉聲嘆氣 :-(

我老公又係工作唔開心, 我又唔知點幫佢, 唯有聽佢呻囉.
佢話每日返工都要受完老細氣, 出去又要受d客氣(做行街), 明明唔關佢事都炳一餐, 又唔出得聲喎, 好唔開心.
佢話每日最開心就係返到屋企見到個仔, 同個仔玩. 所以佢通常都係仔仔唔在場時先會呻.

大宅

Rank: 5Rank: 5


2754
發表於 06-5-13 12:51 |顯示全部帖子

Re: 老公做得唔開心想轉工 , 成日唉聲嘆氣 :-(

我就住我自己個case來講,我同我男朋友唔係有一個家庭,無錢銀的負擔,其實好好多,所以我好多時只係想搵自己男朋友吐吐苦水,搵個聆聽者...佢肯聽我講者,或者比個膊頭我靠下就ok...當然問題解決唔到,但係個下個心會舒服點...

因為感覺上有人支持自己,其實甚至佢話會經濟支持我,但係我又未嫁佢,就算嫁左佢,我都唔想洗佢錢,我有手有腳,我覺得另一半的諒解同埋心靈上的支持好緊要...
8-)

侯爵府

Rank: 9Rank: 9Rank: 9


21079
發表於 06-5-13 18:31 |顯示全部帖子

Re: 老公做得唔開心想轉工 , 成日唉聲嘆氣 :-(

二小姐, 嘩...咁你唔樣唔掂架喎, gogogo個老公因為有家庭既負擔而又無話嚴重影響身體健康, 咁就梗係最好挨到搵到份差不多人工既新工先轉啦~~

你又無經濟負擔, 而你身體又因為份工而變得咁差, 咁你搵幾多錢都無用啦...搵埋d錢都唔夠睇醫生架~~呢d係我真心話, 希望你唔好介意, 健康身體係無價寶, 係錢都買唔到返黎架, 你咁後生身體已經咁差, 將來老左點算呀? 你仲要諗如果第時要生bb, 又會好難有bb, 就算有又會好難陀, 陀到但你身體唔好又會影響個bb身體都唔好, 仲之就好大鑊, 而且身體係最最最難調理返好架, 諗清諗楚啦...呢d工唔做都罷啦~~
希望每天開心渡過 ;-)

男爵府

Rank: 6Rank: 6


6085
發表於 06-5-13 19:42 |顯示全部帖子

Re: 老公做得唔開心想轉工 , 成日唉聲嘆氣 :-(

如果我係家庭經濟既支柱,而轉工會少佐收入,我估我唔敢轉!

睇下你地有冇saving啦,唔係搞到要賣樓賣車都幾可怕。可能你老公都係咁諗,先至心情唔好啦!!係我都心情唔好啦!改變佢,不如提高自己既eq啦!我估佢都唔想發脾四架。

大宅

Rank: 5Rank: 5


4793
發表於 06-5-14 01:34 |顯示全部帖子

Re: 老公做得唔開心想轉工 , 成日唉聲嘆氣 :-(

多謝各位回應呀 !
今朝我睇報紙見到話袁詠儀承認有左bb , 我同老公講 , 佢話我地將來都會有自己既bb咖啦 , 我話依家咁既環境 , 都未知你份工點 , 生育計劃唔係無限期押後咩 ? 佢話咁又唔洗 ....
晏晝都有問佢仲有無人炸佢型 , 佢又好似唔想講咁 , 就話我唔明咖喇 , 我話你唔講我就梗係唔明啦 , 有咩就話俾我知啦 !
佢話從未試過咁想唔做 , 做得好唔開心 .... 要受上面既氣 , 又要受下面既氣 . d下屬炸型話做得好辛苦想佢代向上面反映 , 佢有做呀 , 但上面唔理 , 搞到佢夾係中間 . 最衰佢份人又唔鍾意同人解釋喎 , 無論俾上司/下屬炸型時都係咁 . 我話第時去第二度做野都會受氣咖喎 , 佢話出黎渣車 , 至多一係受老闆氣 , 或者客人既氣 , 唔洗好似依家咁谷氣 .
佢之前講過想做d私人司機 , 我話見到報紙有登喎 , 佢就話早兩年佢細佬問過係得 $7000-$8000 咖咋 , 點做丫 , 咁又係 , 少成半 . 我話你唔打去問下 ? 我都唔知佢做咩唔問下價 ?? 問下有等自己有個預算都好丫嘛 !
佢今日心情叫做好番d啦 , 不過我諗佢未決定走住既 , 一來未搵到第二份工 , 走左就真係有經濟問題咖喇 ! 二來都唔知搵份咩工好 , 打工定出架貨van搵食好 , 定考的士好 ?!
我聽好多人講渣貨van唔係搵好多 , 諗就理想 ! 當除埋本 (油+維修) 淨袋 $500-$700一日 , 一個月即係約莫 $12000-$17000 , 但入台都未必有咁多生意啦 , 但唔入台又更加無好路數喎 . 所以以前我叫佢唔好做咪就係咁解囉 ! 但佢話鍾意夠自由 , 唔想開工可以唔開 . 我跟以前 bf 等過開工 (97-98年) , 埋左站等成日都未必有人call . 搞到佢個人越黎越懶 , 成日夜晚掛住出去飲酒 , 第二日訓到成兩點先肯起身 . 所以我對呢行無咩好感
我都同老公講 , 無論佢有咩決定 , 我都會支持佢 , 同佢一齊共渡時艱 . 不過真係唔想睇到佢咁灰同意志消沉囉 ! 我會控制住自己d脾氣 , 唔可以係呢個時候打沉佢咖 !

大宅

Rank: 5Rank: 5


4793
發表於 06-5-15 23:13 |顯示全部帖子

Re: 老公做得唔開心想轉工 , 成日唉聲嘆氣 :-(

其實我老公一直都想開洗衣舖 , 依家咁岩做野唔開心 , 想博一博 . 但本身我地無呢方面經驗 , 想係將軍澳果頭d新樓附近開 , 諗住果度多年輕夫婦唔得閒 / 無地方洗衫 . 佢想加盟 "優質乾洗會" , 因為有人教點用機器同有名d , 不過每月要俾 $1000 行政費或更多 , 同埋第一炮要俾 $50000 加盟費 . 俾我就想自己開用自己名 , 但又怕無人識無人幫襯喎 .
大家可以俾d意見我嗎 ? 有無親戚朋友開呢類舖頭可以同我分享下利與弊嗎 ?

大宅

Rank: 5Rank: 5


2754
發表於 06-5-16 09:17 |顯示全部帖子

Re: 老公做得唔開心想轉工 , 成日唉聲嘆氣 :-(

Jessy,

多謝你的關心呀!講真,而家份工人工唔算高,我份工重係要裝身ga,賺左d錢要買衫裝身之外,而家重成日睇醫生,但係精神科個d葯我停左無食啦,因為食左之後,個人好似鈍鈍地咁....

我.......我諗我暫時都未去到要好急去quit呢份工的地步,我係一個好怕無野做悶的人,如果真係quit左又未搵到工,我個人會重擔心重辛苦過而家.....

其實好多人都提我,而家攪壞左身體,老左會好辛苦,我都知,因為我而家都好辛苦,瘦左好多,個人行路好似飄飄下咁........但係我應該食返正常三餐就會肥番同無事,因為我而家通常一日都係食一餐...

大家不用擔心,我會報告自己的情況,我應該無事ge,你地睇下我打的字,睇落都有文有路呀..

不過gogogo話開優質乾洗會,我之前都有朋友講話想係將軍澳開一間,因為個陣我fd比人裁左,想拎自己的儲蓄來搏搏,但係後尾都係不了了之,我無問點解,所以唔知...
8-)

大宅

Rank: 5Rank: 5


4793
發表於 06-5-23 23:14 |顯示全部帖子

Re: 老公做得唔開心想轉工 , 成日唉聲嘆氣 :-(

我老公無野左幾日 , 又黎料喇 !
佢話好快就會俾人騎到佢頭上 , 好唔憤氣 . 我話 : "我明 , 情形咪好似我做左依家個工作崗位好多年 , 自問好有心放落份工度 , 但到頭來咪又係俾個同樣職位但只做左幾個月既人做左我上司 ... 我話有咩計丫 ... 自己技不如人 , 老細鍾意人地唔鍾意自己 ...."
點知佢話 , "都唔同性質" .... 仲俾佢話我唔企係佢果邊 ...
我真係唔知我點唔企係佢果邊囉 ?! 我只不過係同佢講呢種唔開心既感覺我都試過之嘛 , 就俾佢一句車埋黎 ... 我當時都好傷心 .... 無心機再去哄佢 ....
佢唔開心左成個幾禮拜 , 我有去哄佢 , 但佢要受哄至得咖 ! 想陪佢講幾句 , 佢又唉聲嘆氣 ... 再唔係就入房訓悶覺 .... 咁我可以點唧 .... 咪唯有晚晚煮好飯等佢放工返黎可以舒舒服服食番餐飯囉 !
可咁落去 ... 我都會變得唔開心 , 其實我都好擔心佢唔做呢份工會搵少幾千蚊 , 平時我地已經無咩剩咖喇 ... 但若然有呢幾千蚊佢會日日都做得唔開心 , 我會情願佢搵過第二份開心d但搵少d既工囉 !

伯爵府

Rank: 8Rank: 8

好媽媽勳章


17767
發表於 06-5-24 10:48 |顯示全部帖子

Re: 老公做得唔開心想轉工 , 成日唉聲嘆氣 :-(

gogogo~ 寫道:
其實我老公一直都想開洗衣舖 , 依家咁岩做野唔開心 , 想博一博 . 但本身我地無呢方面經驗 , 想係將軍澳果頭d新樓附近開 , 諗住果度多年輕夫婦唔得閒 / 無地方洗衫 . 佢想加盟 "優質乾洗會" , 因為有人教點用機器同有名d , 不過每月要俾 $1000 行政費或更多 , 同埋第一炮要俾 $50000 加盟費 . 俾我就想自己開用自己名 , 但又怕無人識無人幫襯喎 .
大家可以俾d意見我嗎 ? 有無親戚朋友開呢類舖頭可以同我分享下利與弊嗎 ?


我吾係開呢類舖頭,不過我住呢區!
我知有幾多'單身貴族'每月用8k-10k租尼區1d比較好既新樓住(e.g. Oseanshores, 尉藍),我識幾個人都係問我d洗衣店資料,(因為佢地吾自已洗衫),而MTR果d比較貴,而屋村d好多時間又吾岩(因為佢地通常食完晚飯先返屋企),後來唯一一間(我知)係油塘,佢地會上門送/取(日頭放門口/管理處),最後個個都幫親左呢間!!!(可能呢班人吾鐘意擺住大包細包衫週圍走!)
所以我覺得,只要收'屋村'價$,再+上門送/取服務,應該會有–班長期熟客!

大宅

Rank: 5Rank: 5


4793
發表於 06-5-24 13:09 |顯示全部帖子

Re: 老公做得唔開心想轉工 , 成日唉聲嘆氣 :-(

ac321 ,
都有得諗既 ... 但如果人手得一個人就 .... 未必成日可以行開行埋送到啦 !
放係管理處 ... 都要個管理處肯先得喎 , 不過都幾好喎 !
但呢d區已有開左 , d熟客未必肯轉第二間 . 我老公都係諗d岩岩入伙果d , 可以搵左頭輪錢先丫嘛 !

複式洋房

Rank: 3Rank: 3


284
發表於 06-5-24 13:27 |顯示全部帖子

Re: 老公做得唔開心想轉工 , 成日唉聲嘆氣 :-(

複式洋房

Rank: 3Rank: 3


284
發表於 06-5-24 13:28 |顯示全部帖子

Re: 老公做得唔開心想轉工 , 成日唉聲嘆氣 :-(

複式洋房

Rank: 3Rank: 3


284
發表於 06-5-24 13:36 |顯示全部帖子

Re: 老公做得唔開心想轉工 , 成日唉聲嘆氣 :-(