小巫女女 寫道:
portiabb,
你好~其實我想先問下你,你想小朋友讀全日定半日先,因為鄰舍輔導會係讀全日既,冇半日讀,而你講既其他幾間都係幼稚園,係讀半日既,所以你要決定左讀半日定全日,有好大分別架~而且我想再問下你女女幾大,係咪入去要讀n1,(即2歲)如果係你要問清楚學校今年開唔開n1班,開你先去見,另一方面,鄰舍之所以難入係因為有好多家長要返工,而呢間幼兒園除左可以係早上7:45開始俾學生返學外,亦有延展服務,最夜可以8:00先接小朋友走,而且佢地點係市中心,家長放工落車行幾步就到,所以好多返工既家長都選擇佢,至於學校質數方面,都ok既,入讀好小學既百分率都唔差,所以如果你暫時冇其他選擇,我建議你見左先,起碼可以留左位先嘛~
希望以上既建議幫到你啦~
小巫女女 寫道:
portiabb,
呢間學校既質素都唔錯既,老師同姐姐(工友)都很有愛心,小學派位亦幾好,(校友會,光明,榮茵等)所以好多人都想入,另外有一間叫周宋主愛,近朗屏西鐵站,呢間亦都係唔錯既選擇,但係如果而家先報,可能要做後備生,所以你都係見左先,因為如果你唔留位,到時搵唔到學校,就好難再搵學校架喇~希望我的資料幫你到啦~