•    24oC 87 %





嬰幼兒產品用家評台
王國商店facebook專頁
王國facebook
義工

搜索
親子王國 首頁 潮流時尚 FW: 百蕙黑店
查看: 1503|回覆: 0
go

FW: 百蕙黑店

男爵府

Rank: 6Rank: 6


8478
發表於 07-4-28 08:04 |顯示全部帖子

FW: 百蕙黑店

好嬲!好嬲!
2月14日情人節我老公話送條gucci電話繩俾我做禮物,我們因為住在屯門貪放便就去咗屯門市中心一間水貨店百蕙買啦,$13XX,最初他話無貨,要訂,落咗$2XX訂金,過年後他通知我們有貨,我老公去簽卡,他們俾條電話繩我們的時候又無盒又無開單,只是有個膠袋袋住條繩,同埋只是俾咗簽卡張收條。事後才發覺,不過諗住無咁黑啦,點知用咗一個月都無條電話繩的拍鈕斷咗,之後我攞番去間鋪叫他整,他們話要收錢又要4-6星期仲話要送去歐洲整,我都算啦俾他整,點知過多兩星期他們打電話俾我話要收$150,唔夠15分鐘他們又打電話俾我又話無得整,我都唔知他們想點。
最慘我話想反應意見他話公司全部都係SALES無話事人,話我如果想反應意見同他的 SALES講就得!仲有我的朋友睇過條電話繩他話好大機會係A貨!激死我啦!

3月14日,整個半月都無人打俾我,今日帶單去問,點知又係上次 Amy佢話﹕無咁快!要半年!我話張單寫4-6星期,佢話﹕張單寫錯!應該係4-6個月至啱!咁我問如果未整我唔整啦!我要攞番條電話繩,Amy話﹕好呀!不過唔知幾時先可以攞番!覆電話俾你啦!我好無奈走咗。於是我打總店問吓佢有無話事人電話,佢問有咩幫到我,我將件事話俾佢聽,佢話幫我了解!態度幾友善!唔夠一個鐘,就打嚟話條繩整好咗,明天可以到取!晚上七點幾又有人打嚟話條繩已經到屯門,可以去取。我呢兩日應該會去攞番條繩,我只係用咗唔夠一個月,不過我估唔到佢咁賤格,佢哋肯定整我條繩啦!

佢哋間shop門口仲貼住旅發局個優質服務咁上吓的Q麥標籤!諷刺!仲衰過XX鐘錶!我就仲慘過D自由行,佢哋起埋有人出頭,我可以話係求助無門!有生之年都唔會再幫襯!貼錢買難受!
好嬲!好嬲!

-------------------------------------------------

我好多時都會勸人唔好去百蕙買Gucci同LV
佢地個價仲貴過專門店價錢
買一個LV銀包$2780, 專門店只係$2150
相差$630坐的士去專門店買都仲平過佢
條電話繩本身都貴左3佰幾!!!
佢哋間shop門口除左貼住個Q麥標籤之外
仲貼住d咩野『只賣行貨不賣水貨』標句
LV從來都唔批發貨品比其他商店賣, 佢又何來有行貨!?
呢間鋪做生意係非常之唔老實, 佢仲要呃人呃到開幾間分店
雖然我冇比佢呃過, 但我眼見好多網友比佢呃左, 我係好唔抵得佢呢種做生意手法! :tongue: :tongue: