《 “向山鐵也離開廣州的412天，小妹把謙仔留在豬籠里，請劉晴等人幫忙照顧。小妹得知九妹有把握揭穿朗喜，心中不安得來到西江碼頭。小妹聽著風聲想起過去的點點滴滴：『既然改變唔到嘅事實，就唯有接受。』”
“鄭家，朗軍房間”麗華在照顧身體不適的朗軍服藥休息：「慢慢嚟。」“九妹朗熊進來”麗華煩躁：「九姨，妳咁夜仲入嚟仲咩?軍爺夠鐘要瞓。」九妹：「爸，我同二叔有啲緊要事要同你傾。」朗軍：「如果你哋想說服我，比錢你哋做正行生意嘅，我諗你哋唔洗至意。」九妹：「爸，你應承我聽完喱件事之後，一定要心平氣和去應付，千祈唔可以激氣。」朗軍：「究竟發生咩事……」
“書房，朗喜沉思”大鳳進內：「喜姐，個個女人同朗熊岩岩先至番嚟，而家入咗姐夫間房。」朗喜：「先頭係酒樓，聽到哂成件事嘅只有羅會計1個，殺。同我諗清楚，仲有咩人可能會知道嘅，攪惦埋佢。」大鳳：「係，喜姐，東泰大部份人都仲企係我哋個邊，我哋未輸。」“心姐敲門”大鳳：「入嚟。」心姐：「喜姐、舅少，老爺叫你哋出去廳到，老爺係話即刻出去。」大鳳：「得，妳出番去先。」朗喜：「陣間，你企係我後面，我講乜嘢就照我說話去做就得，最緊要定。」
“大廳，朗喜等人戰戰兢兢往見朗軍等人”朗喜：「大哥。」九妹：「姑姐，講到尾，大家都係一家人，同枱食飯都廿幾年，我希望今日，大家可以心平氣靜，咁傾清楚件事。」朗喜：「岩，最緊要係心平氣靜喱4個字，冇嘢緊要過大哥嘅身體。」朗軍：「喜，九妹先頭大概將你哋係酒樓講嘅嘢講咗比我聽，佢話詳細嘅情形留番比妳自己講。」朗喜：「我講。」朗軍：「等陣，係妳未講之前，我要提醒妳兩件事;第1、我要聽真說話，只要妳講真說話，無論幾離譜，幾咁對我唔住，我都會比條生路妳行，講得出做得到。」朗喜：「係嘅，大哥，我知道你脾性。」朗軍：「第2、妳唔好諗住講啲唔講啲，妳大哥個功架仲係到，我會發動5千門生咩都唔做，天涯海角將知道喱件事嘅人捉哂番嚟，唔講打到講，邊個隱瞞就殺邊個。」九妹：「爸，你之前應承過我啲乜嘢?」朗軍：「我冇激動，講。」朗喜：「大哥，小妹的確唔係你嘅骨肉，係我嘅親生女。」朗軍：「係真嘅?個女妳點得番嚟嘅?妳同邊1個生嘅?」朗喜：「大哥，喱件事我有錯，不過你都有責任。」朗軍激動：「我有責任?我同你養咗30年女，我有責任?我要聽，我要聽。」朗喜：「係少白，黃少白，你仲記唔記得喱個人?小妹個亞爸係為你而死。」朗軍：「少白?小妹個爸係少白?」朗喜：「你仲記唔記得，十三行門口?你比十幾個人伏，十幾個人斬你哋兩個，點解你仲有命?就係因為少白幫你擋刀，足足擋咗12刀，個陣時我個肚岩岩有咗小妹。」朗熊：「妳講大話，我同死鬼少白都好熟，從未聽過佢話同妳有路。」朗喜：「可以講得出嚟我唔講咩?少白個老婆係咩人你知，良家婦女?善男信女?」朗熊激動：「乜都妳講哂，九妹先頭去酒店搵我，佢話聽到大鳳話妳個姘頭係戲子佬。」朗喜激辯：「九妹先頭拎住個手榴彈衝入嚟，係人都嚇到癲，大鳳嚇到亂哂龍，大鳳係想話李金龍係唯一1個知道我同少白關係嘅人，因為佢哋係生死之交。」朗熊：「妳講咩都冇用，我唔會信。」朗喜：「天地良心，我講嘅話句句都係真。」朗軍：「就算係真，點解當時唔同亞哥講?點解將妳個女變做我個女?咁我個女去咗邊?」朗喜：「大哥，喱件事你都有責任，當時你2奶3奶4奶姘頭十幾廿人，你又咁懇細路哥，如果你知道大嫂小產，佢仲有掟企嘅?你眼眉都唔會睇吓佢，我仲記得大嫂喊著嚟求我喱個姑仔幫佢，咁我點?當時自己年紀又細喎，我根本都六神無主，我唔知道將個女安置係邊到好。」朗軍：「妳望住我講嘢，喱件事係未真嘅?妳再講大話，我唔會原諒妳。」朗喜：「大哥。」九妹：「爸，我相信姑姐講嘅嘢係真，頭先係酒樓到，舅父真係驚得好緊要，佢口震震咁同我講話李金龍，可能係我攪錯，就以為個個姘頭係李金龍。」麗華：「軍爺，唔好激動。」“門鐘響起”心姐開門驚慌望著：「小小姐?」小妹面帶微笑：「心姐。」“小妹進入大廳，眾人驚愕”小妹：「爸。」朗軍：「妳唔好叫我做亞爸。」小妹水汪汪：「舅父。」朗軍愕然：「原來妳一早知道喱件事。」小妹：「對唔住。」九妹：「爸，唔關小妹事。」麗華突如掌摑小妹：「仲話唔關佢事。」朗喜大喝：「麗華。」麗華：「軍爺，我有講錯咩?佢一早知道真相，仲夾埋喜姐呃住軍爺你咁耐，最衰係佢至岩，你養到佢咁大，佢竟然仲咁自私，乜都諗自己，仲生埋個便宜仔嚟博取軍爺嘅歡心，佢根本存心傷害你，目的只係為咗想分多啲身家。」小妹眼紅紅望著朗軍：「我唔係想呃你，我從來都冇諗過要傷害你，我都唔知點解會演變到喱1個地步。」朗喜：「大哥，件事真係唔關小妹事，乜都係我搞出嚟，小妹當時仲係手抱蘇蝦，佢都係無可奈何。」麗華：「軍爺，妳唔好再聽佢哋講，一次不忠，百次不容。」九妹：「爸，件事係小妹話比我知。」朗喜愕然：「乜話?小妹，點解妳要出賣我?」小妹淚滴望著朗喜：「我唔想妳一錯再錯，究竟妳知唔知道，係妳利用麗華定係麗華利用妳?」麗華：「小妹，妳唔好亂咁講嘢，因住刺激到軍爺。」九妹向小妹點頭：「嗯。」小妹再次望著朗軍：「我之前唔講，係唔想刺激到對我重要嘅人，但係原來當初嘅不忍，就造成咗今日嘅殘局。」麗華激動：「妳講咩軍爺都唔會信妳。」小妹目光銳利看著麗華：「既然唔信，又洗咩驚我講出嚟?」朗軍：「小妹，咁妳有咩想講?」小妹走到朗喜身邊怒指麗華：「妳知唔知喱1個女人一而再，再而三想妳個親生女死?」朗喜：「乜嘢意思?」小妹：「1、我結婚前1日，家姐安排我走，係佢走去同向山告密，結果向山帶咗成隊兵嚟咗屋企，話要拉哂所有人走，如果我番唔砌嚟，妳估妳仲有冇命企係到?」朗喜：「麗華，妳……」麗華狡辯：「當初佢真係會一走了之，如果有咩事，連累埋軍爺你哋點算……」小妹：「2、係佢夾埋個個人走去向山到誣蔑我紅杏出牆，好彩我大命，向山肯放過我，但係個段日子我都唔好過，唔只係自由，我連尊嚴都冇埋，我個心好似比把刀插入咁痛。」“眾人怒目麗華”朗熊怒罵：「妳有冇搞錯?」麗華激辯：「唔係咁，係個個梁非凡拖埋我落水之嘛。」小妹嬉笑：「哈!我幾時有講過，個個人係梁非凡?」麗華怒目：「妳……」麗華驚慌：「我……」小妹：「3、佢趁我作緊動嘅時候，故意渾我係佢間房，我差啲難產死。」朗軍怒不可遏掌摑麗華：「賤人。」麗華求饒：「軍爺，唔好……」朗喜怒氣沖沖走到麗華旁：「妳喱1個女人，我要撕開妳層皮。」，麗華乞求：「唔好吖，喜姨……。救我吖，九姨……」小妹痛心疾首：「如果我真係再次小產嘅話，我真係好對向山唔住。」朗軍驚愕：「再次?」朗喜：「妳幾時小產嚟?」小妹哭訴：「係妳話要代替家姐攪鴉片煙嘅時候，係我第1次有咗謙仔個哥哥，後尾我以為家姐係集中營出咗事之後，激動得濟冇咗喇，喱啲全部都係妳一手造成，妳口口聲聲話每做件事都係為我，咁妳有冇用心去感受過我嘅感覺?妳一意孤行認為家姐將我嫁咗比向山，妳用喱個諗法比藉口自己不擇手段。」朗喜捉著小妹：「小妹，唔係妳諗咁。」小妹傷心和朗喜對望：「妳從來都冇用心去了解過我，由我20歲開始，妳就不停去干涉我嘅感情，甚至利用我嘅感情去滿足妳自己，當初妳唔比我同唐吉一齊，可能情有可原，但係點解妳要利用埋向山對我嘅愛，嚟幫你搶番支大旗同日本人攪鴉片。」朗喜激動得拉著小妹：「向山唔係真心對妳好。」小妹扔開朗喜：「點解到咗而家，妳仲要傷害我身邊嘅人?我可以好肯定咁話比妳知，世間上最愛我嘅人係向山，而我最愛嘅人亦都係向山，我一定、一定、一定會等佢，佢必定、必定、必定會番嚟。」朗喜：「小妹，妳唔好咁傻，向山所做嘅嘢唔係妳想像中咁好。」小妹：「我從來冇話過向山所做嘅每件事都係岩，但係我都係個普普通通嘅女人，佢為我做嘅每件事永遠都會留係我心裡面。妳知唔知道，當時我保唔住我大仔嘅時候，向山係可以要仔唔要乸，但係佢要我，佢叫醫生無論如何都要保住我。」朗喜大感錯愕：「向山……」小妹：「向山一早知道妳係我亞媽，乜妳真係認為佢肯同妳合作，淨係為咗利益至咩?妳利用我同佢嘅感情之餘，同時妳都侮辱咗我對佢嘅愛，點解妳可以完全咁否定哂我所有愛嘅人?我真係想真真正正冇其他嘅干擾嘅環境，同個自己愛嘅人開開心心冇憂冇慮咁起埋一齊。」朗喜淚滴在前：「小妹……」小妹痛心疾首：「妳唔好再叫我，妳每次叫我，我都會諗起妳曾經做過嘅事，妳知唔知，我個心究竟有幾痛?錐心之痛嘅個種痛。」朗軍難過：「點解會咁?點解喱1個家會搞成咁?係未我我作孽太多?點解……」朗軍痛心：「好，喜，遲啲等啲金條同美金運哂番嚟，我分4份1比妳，到時我唔想再係喱間屋到見到妳，少白救過我條命，我幫佢養大個女都好應該。賤人，以後妳就留係自己間房到，冇咩事唔好再係我面前出現。」
“九妹房間，朗喜到來敲門”九妹：「邊1個?入嚟。」朗喜進內：「九妹。」九妹：「點吖?妳攞咗4分1身家仲唔滿足?抑或有大話未講完?定係嚟質問小妹同我講過啲咩?」朗喜：「我係好奇想知道，點解妳要幫我?」九妹：「人經歷多咗，諗嘢自然就會唔同咗，比著以前嘅我，點會比條生路妳行?」朗喜：「妳唔憎我咩?」九妹：「恨之入骨，我諗到我瞓落棺材個一刻，我都唔會後悔我做過嘅事。不過，作為亞爸個女，我的確係好不孝，爸受唔住，4分1身家如果可以換到亞爸嘅健康，我覺得係值得。」朗喜悔疚坐下：「唉!」九妹：「蘿蔔頭打咗8年，妳唔厭咩?」九妹坐在朗喜旁：「我真係好厭，收手，唔好再打。」朗喜唏噓：「都係時候落幕，我同妳打咗十幾廿年，大家都好攰，應該落幕。」朗喜捉住九妹的手：「九妹，我哋都唔知仲有冇機會見面，妳要好好哋睇住大哥，以後就靠妳同二哥。夜，我都要番過去瞓，廳朝一早起身，我仲要打算吓將來點，遲啲我就要走。」九妹：「咁妳諗住去邊?」朗喜：「唔知道。」九妹：「小妹好需要妳喱個亞媽，佢一直都好在乎妳，妳感覺唔到嘅咩?」朗喜：「佢需要向山鐵也多啲，我終於明白小妹對向山鐵也嘅真愛。」九妹：「小妹除咗等緊向山鐵也，同時都等緊妳，佢最愛嘅人已經……可能以後都冇機會在乎佢，佢得番妳個最在乎佢嘅人。」
“朗軍房間，小妹敲門進內”小妹走到悶聲不響的朗軍面前：「我知你唔想見我，但係有啲嘢，我好想同你講，雖然我唔係妳親生，但係我同你相處咗32年，喱32年嚟，你對我付出嘅所有嘢，我都會記係個心到。如果你真係唔想見到我，我以後可以唔再係你面前出現，我淨係想你知道，係我心目中，你永遠都係我亞爸，你要嬲淨係嬲我1個。麗華雖然做咗好多對唔住我嘅事，但係佢始終將佢最寶貴嘅嘢比咗你，你都疼愛佢，原諒自己愛嘅人。姑姐當年唔係存心呃你，你念在佢跟你打生打死咁多年，原諒自己嘅親人。家姐燒哂你啲鴉片，係對你不孝，但係佢做嘅嘢永遠都係諗咗人先諗自己，佢比任何人都愛你，比任何人都想東泰好，原諒最愛自己嘅人。」朗軍心痛：「咁妳呢?妳雖然唔係我親生，但係妳依然甘心為我哋受苦，就算妳唔係我個親生女，但係永遠係我個寶貝女，同謙仔留係亞爸嘅身邊，直到我個好女婿番嚟，爸可以安心將妳兩母子交番比佢。」小妹伏在朗軍懷中痛哭：「爸……」
“大廳，朗軍安排朗喜領取家產”朗喜：「大哥。」朗軍：「喱到係我成副身家嘅4分1，攞去。」朗喜：「多謝，大哥。大鳳，袋好去。」朗喜抓住小妹：「小妹，我真心同妳講句對唔住。」“小妹水汪汪”朗喜捉緊朗軍：「大哥，你保重。二哥，再見。鐵，同我好好照顧大哥。」周鐵：「我會。」“朗喜與九妹互相點頭”大鳳上前鞠躬：「姐夫，保重。」“朗軍等人目送朗喜等人離開”朗軍嘆息：「3兄妹出生入死，估唔到會搞成咁。九妹、朗熊，我心情仲未平伏，時局又咁亂，攪正行生意嘅事，遲啲先算。」九妹：「哦!好，爸，妳再考慮吓先。」朗軍：「九妹，叫麗華搬番入我房，話哂佢都係我嘅人。」九妹：「知道，爸。」
“孤兒院，唐吉陪伴小妹抱著謙仔來”小朋友們開心上前：「小妹姐姐……唐吉哥哥……」小妹：「我今日帶咗個新成員嚟探你哋。」小朋友們：「BB好得意……」
“唐吉和小妹坐在長椅子上談天”唐吉：「謙仔唔覺唔覺9個月大。」小妹：「係吖，佢愈大愈似佢爸爸，向山番到嚟見到一定會好開心。」唐吉：「小妹，過咗咁耐，你有冇諗過向山唔會番嚟?」小妹堅定：「唔會。」唐吉：「妳有冇睇新聞紙?有好多日本兵送咗上軍事法庭，甚至有啲被處死咗。」小妹激動：「唔好再講。」唐吉：「妳唔好傻……」小妹大喝：「唔好再講喇。」“謙仔突然哭起來”小妹站起來搖著謙仔：「謙仔，乖……」唐吉起身：「等我睇吓謙仔咩事。」小妹晦氣：「唔洗喇，我同謙仔番屋企先。」唐吉：「我送你哋。」小妹：「唔洗喇。」唐吉：「對唔住，我知我唔應該講啲咁嘅嘢。」小妹：「我知你關心我嘅，但係我講最後1次，向山唔會呃我，我而家唯一嘅意志係等佢番嚟。」唐吉：「我明，我以後唔再提，我送你哋番去。」小妹點頭：「唔該。」
“鄭家，大廳，九妹在等待小妹”小妹抱著謙仔回來，心姐：「少爺仔瞓著咗，我抱佢上房先。」小妹把謙仔交給心姐：「唔該，心姐。」小妹走進大廳：「家姐。」九妹：「妳番咗嚟喇?仲咩咁嘅樣嘅?」小妹：「冇嘢。」九妹：「家姐好耐冇同妳傾過計，坐低。」“2人坐下”九妹：「點吖妳?」小妹：「我冇嘢。」九妹：「咁妳同佢點?」小妹：「佢?」九妹：「姑姐吖。」“小妹冷笑”九妹：「唔係妳以為我問邊個?」“小妹苦笑”九妹：「妳幾耐冇見過姑姐?」小妹：「兩個月到。」九妹：「姑姐頭先嚟搵個亞爸。」小妹緊張：「佢嚟搵亞爸仲咩?」九妹：「佢將亞爸分比佢個4分1身家比番亞爸，佢仲將妳真正嘅親生亞爸係邊個，講咗比亞爸知，不過，爸冇嬲，仲原諒咗姑姐，叫姑姐攞番啲錢。」小妹：「咁姑姐而家點?」九妹：「佢同我講想離開廣州番鄉下，舅父都會同佢一齊去，姑姐精神好差，妳有時間去睇吓佢。」九妹取出朗喜地址：「喱個係姑姐嘅地址，袋好去。」九妹：「既然改變唔到嘅事實，就唯有接受。」“小妹聽到這句話，把地址緊握在手中”九妹：「我唔阻妳，妳自己諗吓。」
“朗喜寓所，小妹走到來，深呼吸鼓起勇氣按門鐘”朗喜：「嚟……」朗喜開門：「小妹?」小妹：「係家姐將妳個地址比我。」朗喜喜悅：「妳過得好吖嘛?謙仔乖唔乖?」小妹點頭：「家姐話妳精神唔係咁好，有冇睇醫生?」朗喜：「我冇咩事。」小妹：「冇咩事就最好，我唔想我身邊嘅人再出事。」朗喜：「我會保重，入嚟。」小妹進內：「妳係未諗住離開廣州?」朗喜：「係。」小妹：「點解妳要走?」朗喜：「因為我做喱個亞媽喱個亞妺，做得太失敗，再留係到，我面對唔到大哥，我更加面對唔到妳。向山鐵也都一早提醒過我，叫我唔好搵妳做藉口，係我聽唔入耳，先至一而再，再而三傷害到妳，我從來都冇用心為妳設想，妳有咩事，我淨係識得怪人怨人，妳唔認我喱個亞媽係岩，我應該要面對自己嘅錯。」小妹：「由細到大，妳睇到我嘅喜怒哀樂，聽到我嘅心底話，感覺得我嘅需要，但係喱幾年，妳睇唔到真正嘅我，妳聽唔到我嘅心聲，妳感覺唔到我嘅痛。我傷心，唔係因為我冇咗妳喱個姑姐，係因為我冇咗妳喱個亞媽。」朗喜眼紅紅：「咁妳仲會唔會認我喱個亞媽?」小妹水汪汪：「我從來冇諗過唔認妳做亞媽。」“2人相擁而泣”小妹：「媽……」朗喜：「乖女，對唔住，過兩日媽要走，再照顧唔到妳，妳要保重。」小妹：「妳都係，我會寫信比妳，妳要回信比我。」朗喜：「媽而家冇咩心願，淨係希望向山鐵也可以盡快番嚟接妳走。」小妹：「媽……」朗喜：「女……」
“向山鐵也離開廣州的501天，小妹帶著謙仔送別朗喜等人，又再走到來西江瑪頭”小妹：「向山，媽走咗喇，你幾時番嚟?媽話佢最後嘅心願，係我可以等到你，你去咗邊?」忽然，謙仔講了聲：「爸爸。」“小妹感動得緊抱謙仔”謙仔再說聲：「爸爸。」“抑壓在小妹心中思念，剎那間跟著她淚水，痛痛快快流出來”
“5層樓，宴會廳，九妹等人陪伴朗軍出席壽宴”眾人：「軍爺……，恭喜軍爺福如東海，壽比南山。」朗軍：「多謝……」眾人：「恭喜……」“朗軍等人上台”朗軍：「多謝，各位手足，今年我特別開心，因為我多咗個孫同我賀壽，謙仔好得意，仲岩岩學識行，成日要拖住我走圍走。」眾人捧腹大笑：「哈……同小小姐細個一樣……」朗軍：「多謝，各位手足，今年我特別開心，因為我多咗個孫同我賀壽，謙仔好得意，仲岩岩學識行，成日要拖住我走圍走。」眾人拍手：「好……」朗軍：「多謝，各位手足，今年我特別開心，因為我多咗個孫同我賀壽，謙仔好得意，仲岩岩學識行，成日要拖住我周圍走。」“眾人開始發覺不妥” 朗軍：「多謝，各位手足，今年我特別開心，因為我多咗個孫同我賀壽，謙仔好得意，仲岩岩學識行，成日要拖住我走圍走。」“朗軍眼前一黑昏倒”眾人慌忙上前：「軍爺……」九妹、小妹：「爸……」朗熊：「大哥……」麗華：「軍爺……」小妹立即替朗軍急救：「爸，撐住，謙仔仲要同你行街街。」九妹：「快啲送亞爸去醫院。亞森，去攞車。」亞森：「係，九姑娘。」
“醫院，朗軍往急救”九妹等人出來，煙剷球：「九姑娘，軍爺個情況點?」石叔：「係囉，九姑娘、小小姐，點吖?」九妹：「大家放心，醫生話亞爸只係小中風，冇咩大礙，不過起碼要休息兩個月。」煙剷球：「小中風?咁仲會唔會有咩手尾?」九妹：「唔會唔會，放心放心。」石叔：「咁就安心哂。」煙剷球：「咁就好，辛苦九姑娘同小小姐。」九妹：「都夜，你哋番去休息。」眾人：「我哋走先，九姑娘、小小姐。」九妹：「小妹，謙仔都攰，你哋番屋企先。亞森，送小小姐同少爺仔番屋企先。」亞森：「係，九姑娘。」小妹：「家姐，爸有咩事記得通知我。」九妹：「嗯。」 》
