×

用戶登入

找回密碼 | 註冊

21oC.67%
 

[湊仔樂] 帶BB入迪士尼必睇! 分享入園用品小清單!

熱度 1已有 96 次閱讀 17-5-23 10:46

上星期放大假做左一星期做ftm,一個星期全天侯霸住個仔,正呀,唔去外遊有咩節目?哈哈!梗係襯平日去迪士尼啦,仲約埋babyjuju嘅公公,即本坐嘅父親大人陪我湊仔,哈哈哈!

 

有好多人知道我帶BB去迪士尼玩嘅反應係....「BB咁細個識玩咩?」「好嘥錢喎!」「嘩你未辛苦過咩!」

吓??帶BB出外有幾難啊???

Babyjuju 戰積:

9個月大 - 迪士尼樂園

10個月大 - 澳門一天遊

12個月大 - 沖繩6天自駕遊

13個月大 - 濟洲5天包團遊

仲未計長洲、元朗、大澳果D本地一天遊,哈哈,所以重點不是煩,安排得好自然旅途愉快啦!

況且小朋友3歲前主要係玩,玩即係探索,凡事對事物好奇對成長好緊要,研究顯示多D inspiration可以刺激更多腦細胞枝節,影響長遠發展呢!

究竟帶BB去迪士尼行程點安排?有咩玩得?三餐同午睡點好?

今次同大家分享一下帶BB去迪士尼樂園啦!

 

出發啦!

BB朝早瞓醒最醒神,10:30am搭車入樂園,交通方便我會揀快捷方便嘅方法,因爲時間就係金錢,而且bb耐性比成人短,所以舒服D搭的士或自駕啦!

 

 

Yeah!! 坐40分鐘車程就到lu!

平日去真係無乜人喎,大陸人少左,好清靜呀!

安檢後正式入園!

據樂園指引,自攜食品係不可帶入園,不過BB喺呢度係大哂嘅,可以帶BB食物、飲料入埸。

除左帶以上食物同一般BB用品外(尿片、紙巾外),記得帶備:

多一套衫仔(BB易出汗,濕左一定快換衫免著涼)

外套(入館冷氣好凍)

帽仔

蚊怕水

消毒用品

防曬霜

 

入到園,梗係不停影相啦,呢個時候BB仲處於full battery狀態,坐定定響車仔睇你做乜,襯佢有心情,就影多D靚相先!

 

Babyjuju 13個月開始識行,而家馬步都唔算好穏,但bb一識行就好肯行架,好難叫佢企定定望鏡頭,唯有快攝啦!

同BB通常去Toonsland玩,因為D遊戲啱小朋友多D,第一個點去Winnie the pooh,排10分鐘入得,BB同大人一齊坐架pooh車(無安全帶的),館內黑麻麻加燈光音樂效果,對於BB會有D驚,唔意見12-18個月BB去玩呢個。

 

玩完阿pooh,又周圍影相,無乜人點影都得,呵呵!

 

接著下個去玩旋轉木馬,bb見到馬仔好輕奮,轉1分鐘就玩完,呢個有音樂又升高升低,屬low level,大人細路都啱玩!

玩左兩個遊戲後,差不多一點,夠鐘開餐喇!

入園前準備以下食物:

一餐粥

一袋麵包

BB芝士

4個飯團

3支水

樂園餐廳有BB椅提供,不過去嘅BB多,我都搵唔到有吉櫈,唯有一個攬住一個餵,可能玩完肚餓,好快趣食哂!

 

食飽飽又去玩,先去小小世界坐下船仔,聽下「人人常歡笑不要眼淚掉」,呢個環節有燈光、音樂、有公仔響度轉,babyjuju勁鐘意,結果玩左兩次!

 

之後再去反斗奇兵大本營,今日特登同你襯呢件三眼仔衫架,點都要影下Woody!

 

 

 

Sooooooo cute!!!!!

Toy story land好colourful,小主角點影都咁醒目(天下媽媽都中了「自己個仔好得意」嘅毒)哈哈!

行下影下快樂時光特別快過,正行去玩埋歴險小船之際,噢,BB已經無電了!!!

樂園入面有車仔借,不過找眼見D車仔係硬膠又污槽,多數係大陸遊客用,所以自己有車仔就自備好D啦﹗

好彩推部bugaboo bee5 BB車,佢係歐洲車,內寬闊上下特別長仲可以平瞓,車軚避震no.1 (就算越野都no problem),太陽檔可伸到前方,車底儲物籃好夠大而且揭起坐位放物品梗加實用,我老公係6呎高佬,佢話歐洲車安全又舒服,啱哂babyjuju身型!

 

Bugaboo bee5係17年5月新出品,一抵港就已經賣斷市,響mothercare專門店都等左一排至有貨呢,原來咁多bugaboo super fans!!

 

今次bee5仲可以以自己style併色同布料,可以砌獨一無二又個性化嘅BB車,呢個真係Bugaboo獨有喇,我同老公都傾過併過D色至扑錘,呢隻sharp醒黃係Bugaboo signature  colour,襯哂潮爸潮媽!

 

同BB出街係會帶多左野,自己一個小袋、後面一個背包、前面一個B,真係呢咁hea,如果去足全日,推BB車實屬明智之選,你睇下我幾輕鬆!

BB瞓左覺,我地行程都差不多了,再行下Disney手信店,買埋野四點幾完滿結束喇!

小分享:

-BB食物:

園內提供食物屬一般之選,重味精炸品多,唔啱bb食,建議點都帶一餐飯入園,再加一袋麵包。

-BB用品:

園外曬、館內凍,一冷一熱好易病,帶件風褸仔同多件衫替換。

園內係石屎地,對於馬步不穩嘅BB要小心跌倒刷損,帶定藥水膠布。

推車仔係名至之舉,BB中途要休息,全日揹廿幾磅腰背都斷,車仔底/掛扣可以放野。

-BB全日行程:

以前二人拍拖去玩,梗係抱著無執輸心態,早去晚歸玩到人地放煙花收工至走。

但帶BB去的話就唔好咁貪心喇,行半日已經足夠,免得BB同大人一齊筋疲力盡,4點左右出園,之後搭一個站去東涌食番個下午茶,輕鬆遊總好過辛苦遊,Enjoy親子樂!

 

食埋個下午茶,是日行程完畢,他他條條大滿足!

今次分享咁多先,下次分享下平靚正低消費BB一天遊!

see u!!


☆Ⓣⓗⓐⓝⓚ Ⓨⓞⓤ☆
歡迎邀約合作試用、出席活動
♥SmallerYip's little things♥


Mail : [email protected]


Facebook: www.facebook.com/smalleryipyip
IG: smalleryip

 


★ theZtyle
iTrial.hk ★She.com
Fashion& Beauty
Qooza ★uBeauty
beautyexchange ★Ellehk 


是次產品/產品資料由 品牌 提供, 本文章所發表的全部內容均屬個人意見及感受,並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。


感動流淚

清新流暢

到此一遊


豈有此理

發表評論 評論 (1 個評論)

回覆 conniex_x 17-6-12 09:35
謝謝分享  

facelist

你需要登錄後才可以評論 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎