奧比斯上個星期六、日(9月5至6日)係馬鞍山新港城中心舉行左一場「星空嘉年華」,好多大小朋友都黎到現場玩遊戲、做小手工、睇表演等等,現場非常熱鬧呀!
患有白內障嘅病人睇野其實係點架呢? 小朋友戴起副模擬白內障效果嘅眼鏡玩遊戲,相信就可以親身體驗到白內障病人嘅困難,同埋知道有幾需要幫助啦!
中秋節就黎到啦,一於整返個燈籠應下節先!
關詠荷早前為奧比斯擔任兒童大使,親身前往山東探訪眼疾病童,現場播放探訪片段,等現場觀眾一齊感受下救盲工作嘅迫切性。
「丁丁」應采兒都有黎到嘉年華現場,愛心爆棚嘅丁丁仲係台上同小朋友玩遊戲,相信丁丁都玩得好開心!