|
燈燈燈凳!BK又有喜事2.0喇!繼上次十月分別有同事結婚同生bb之後,今個星期五,我哋又有同事同男朋友仔拉埋天窗喇!
上個禮拜,呢位準新娘子親自返嚟派餅,呢個份量我諗佢預咗我哋同事一人兩件,好貼心呀,照顧到好似小編我呢啲咁嘅大胃王!
人逢喜事精神爽呢句真係無錯!雖然為咗保障同事嘅私隠,小編用國王emoji幫佢遮咗遮,但「BK出品,必屬佳品」,真係隔住個mon都feel到佢幸福滿溢呀!
小編知道呢位同事一定睇到我打呢篇野嘅!我謹代表所有同事多謝你,當然最最最重要就係祝你新婚快樂,同老公甜甜蜜蜜啦!恭喜恭喜!