自由講場 今日: 108|主題: 1299520

【on.cc東網專訊】 陳曼娜愛女上個星期二先結婚，不過到咗今日（星期一），佢話「101分」嘅女婿，竟然被拍得於結婚兩日後「蜜」會一位妙齡內地女大學生，而且期間二人還有不少親密行為。

根據《東網》得到嘅現場短片，Dicky與該名女大學生異常親密，二人唔單止好有默契咁着晒黑色衫，該名女子仲要好開心咁翹實Dicky嘅手臂，而Dicky亦都好開心咁箍實女方條頸，作為一個人夫，背住妻子同另外一名女子發生咁親密嘅行為，實在唔係咁應該吓...

期間，佢哋一度去咗銀行辦理私人事務，期間該名女子已經情緒激動，要Dicky出手安撫；之後，該名女子延續激動情緒，一度爆喊，期間仲要同Dicky連番理論咁款。由於該名女子情緒實在太激動，一度露出既無奈又憤怒眼神嘅Dicky，期間都忍唔住拍吓女方嘅臀部同埋掐對方嘅手臂，但女方情緒依然激動。兩人搞咗一大輪之後，先至雙雙離開。

行到埋一埋。

親密到爆！

就係不斷拍打女方接近臀部嘅位置。

女方主動翹男方隻手。

喺銀行度，該名女子已一度開始激動。

該名女子喊到收唔到聲，而倒影中嘅Dicky就顯得一臉無奈。

男方就箍到女方個膊頭實一實。

之後佢開始公然爆喊，男方亦有所動作。