2018-03-03

2.4K

【親子溝通】孩子珍貴的「為什麼」

Box-Hill-Kids-Art-Class

工作室既教學日程中,回答小朋友形形式式的問題都佔左我工作三分之二的時間。

未自己開工作室之前,我對小朋友的提問都會一笑置之,
因為同一般人一樣,會抗拒作多餘的解釋 ,
覺得解釋左,佢地都未必會明,所以旦求就手,笑下玩下,
佢地就開始轉移話題。 然而係開左工作室之後,
我花了很多時間去同小朋友溝通,
在我而言,我既學生都係好孩子,或者佢地都會將事情弄反了,
但我都會全部聽入耳。 言談之間,我忽然覺得每一個孩子的問題都充滿哲學性:

點解我地會出世但又會老死?
我地男仔點解一定唔可以著裙?
大人說的話就一定會啱嗎?
點解唔可以淨係中意玩,一定要返學?

作為成年人,我地都成日將事情弄得太悲觀,我地有時根本會直接認為一個孩子的提問,
無疑係跟據佢地既心智發展而提出,所以就一定係淺白而幼稚,
甚至想法有點不循規道矩就輕易判斷為錯、壞和奇異。

小朋友既世界體系係通過不斷發問而開闊,
而且童年本來就係由好奇心建立出來,發問就係小朋友天生既優勢。
回想我地仲係小朋友既時候,怎可能會因為我地問左一條大眾認為無知的問題而感到挫折?

那麼我們何以當大人以後就直指孩子既問題不合邏輯,或者講個敷衍了事既答案就完左件事?
小朋友唔會因為你既拒絕回應或者圓滑推翻就得到警剔,唔再發問,
反而會令小朋友陷入左一種受限制的羞恥心之中,佢會被依種感覺跟住佢地成長,
會諗點解發問總係初大人拒絕?係咪我講野佢地唔中意我?我係咪做錯事?

當孩子這種感受出現,個時就已經遲了,因為傷到佢地求知的心,將依種正常不過既本能抹殺左。
相信已經有不少文章提到如何鼓勵孩子搵答案,
多培養興趣, 所以我今次並不想多講幾次,

我只希望家長做到一點:不要欺騙,尊重發問權!

對於孩子的提問,家長面對孩子確實地的回答,不知道答案根本無傷大雅,
要記住,我們大人唔會因爲答錯左而損害了什麼,反而您亂答或不正視問題,
會影響到孩子發展和自尊,當中的利弊,我諗大家都會衡量,對於不懂的問題,
不要隨口瞎說,這樣會給孩子留下錯誤的概念,以後糾正孩子的第一想法就會非常困難;
也不要故意用以為可笑的答案欺騙孩子,孩子知道真相後就可能不再相信您,
也可能學會重複用欺騙或說笑的手法去面對父母或他人的提問,同時,回答錯了要勇於承認並且同小朋友一齊搵答案,
小朋友並唔會取笑您,反而會慶幸有一個求知的夥伴!

身為家長,其實平時都可以做孩子既角色多提一些問題,
引導和鼓勵孩子探索和思考,創造多啲機會比小朋友去了解世界比如點解地球係藍綠色?貓點解要瞓咁多覺?
家長仲可以帶着孩子一起探究,尋找答案,因此我地要記緊,由上而下的教學,
已經唔再有效率了,成人與孩子不時交換角色,趣味性就更多啦!

免費藝術探索體驗(3-5歲)
Screen Shot 2018-02-07 at 3.57.50 pm

時段:2月28日至3月28日
(逢星期三11:00、1:00、2:00/逢星期六4:00-5:00)

請致電或whatsapp 9335 9552 了解詳請及留位,
每月名額有限,額滿即止

Let’s put our explorer cap on and get on an art adventure!
In this course,
children are encouraged to confidently express their
feelings and style in their artwork while exploring
 the miraculous world of art!

體驗著重拓展學生的視野, 由遠至近, 提升觀察的敏感度,
加強創作能力及令孩子能在課堂中
表現獨有的感官和風格,
並且透過作品鼓勵孩子自我表現, 增強信心。

【編按:以上內容為作者之個人意見及立場】

相關文章

【前世情人】怕細菌病毒感染前世情人 新手爸爸笠保鮮紙狂親初生女兒

【兒童發展】發現2歲小朋友是左撇子 港媽煩惱應訓練右手還是自由發展

【營養師推介】夏日消暑甜品 增加小朋友奶類攝取量(附食譜)

【兒童智商】研究:遺傳對智力的影響佔整體逾一半 爸媽必學2招後天提升子女智商

緊貼新冠肺炎最新相關資訊