2019-05-17

8.2K

【包媽孕記】終於足月了﹗準媽媽孕期十萬樣擔心

望到手機懷孕APPS寫住37WEEK,心裡面有種莫明感動。大家睇包媽好似好外向善於交際,但原來懷孕時荷爾蒙影響下,真係會每事擔心,瞓唔著亂諗嘢自己嚇自己更加係無限時發生。

- 未照到胎囊怕宮外孕

之前有分享過當初發現包包存在,係打風後流啡即刻去急症室,白車載我哋去附近有婦產科嘅醫院,拖住老公隻手只識一路喺度震……去到醫院必須留院觀察一晚,望住老公轉身離開眼淚已經忍唔住,姑娘好溫柔問我有咩事可以同佢傾訴……嗰晚完全瞓唔到,如果因為自己操勞令包包有咩事點算好……T.T

【包媽孕記】大聲宣布「我懷孕了﹗」瘋狂孕吐佛系媽媽育成記

- 怕照唔到閃閃

第二日照陰超因為周數太細要抽血驗HCG,開始隔日到醫院嘅日子,抽血到雙手瘀晒都不及擔心嘅痛……等到5W2D終於見到胎囊,可以排除宮外孕,又要等多2周照閃閃……個人開始好易攰好易眼瞓,食每樣嘢都上網查清楚,深怕稍一不慎會影響包包……


【包媽孕記】Baby Shower公布性別 落手落腳籌備BB首個派對

- 孕吐怕BB唔夠營養

6WK起瘋狂孕吐,最高峰一日嘔5次,最怕係BB唔夠營養,預咗食完要嘔都逼自己放入口……10WK有一日起身返工,忽然上吐下瀉,打電話俾老公喊住話唔知包包會唔會有事……

- 怕染色體/器官異常

NIFTY PRO等報告會驚染色體有問題;照結構又深怕器官有異常
【包媽孕記】伊利沙白醫院QE L block登記方法及第一次產檢流程分享

- 怕過輕怕早產

呢幾關過晒,又開始諗自己同包爸出世得4磅幾5磅,包包出世會唔會太輕磅要住院?身邊唔少媽媽早產,日日同BB傾計叫佢乖乖地留到預產期
囝囝好乖好懂事,每次包媽擔心到喊時,佢都會郁下踢下,好似安慰我話俾媽媽知,包包一直都在。好感恩終於等到足月啦,到底會見紅穿水定陣痛先呢?
不過可以肯定講句,要擔心嘅嘢出世後只會愈來愈多,我會好掛住俾包包踢到肚變型嘅感覺架!

【編按:以上內容為作者之個人意見及立場】

相關文章

【阿寶孕記】頭胎媽媽初體驗

「你咁瘦,BB健唔健康架?」懷孕期最憎聽到呢3句說話!

超重要的懷孕前期準備

【媽媽心聲】這是我最後一次懷孕了 回望甜蜜又辛酸的40週

緊貼武漢肺炎最新相關資訊