2019-04-11

11.2K

【何嘉莉懷孕週記】請陪月的煩惱

相信很多媽媽也有關於陪月姨姨的問題,我生哥哥的時候第一個月請了一位很有經驗而且煮飯補身很好的婆婆,然後第二個月就請了一個很喜歡照顧Baby的姨姨。很幸運到第二胎的時候,她們都能夠再次回來幫我。但這次第三胎,補身體的婆婆已經退休了,喜歡baby的姨姨也接了台灣的陪月工作,所以我當時都非常煩惱啊!後來托朋友找到另一位煮飯補身都很好的陪月阿姨,以為一切都安樂了⋯⋯

話說一早已請好陪月,點知臨出院前一日,收到陪月姨姨電話說她不小心弄傷了雙腿膝頭,不能上班,吩咐她也是做陪月的妹妹過來頂替幾天。跟她通過幾通電話,問她什麼時候可以ok回來,她都沒有給我答覆。回家後,這位新的陪月阿姨開始給我問題,例如怎樣開奶?開奶粉的份量比例是怎樣?當時我已經心諗⋯⋯唔係啩?開奶都唔識?同佢講解完之後,已經一萬個唔放心,於是繼續觀察佢餵BB飲奶嘅情況,正當餵到一半嘅時候,我先記起她剛剛清潔完BB便便沒有洗手便餵奶,佢更加話我知一向都唔會洗手,OMG 已經嚇到我魂飛魄散。然後掃風大力拍BB但一直掃不到,問我點算好?我都想有人知話我知到底點算好?幚BB洗澡又雞手鴨腳,我睇見都驚驚......

面對這樣一大堆恐怖問題,我真係擔心到完全休息唔到,打電話給正牌陪月姨姨又一直說不出復工時間!這個時候我已經崩潰了,慌忙打給好朋友希望可以找到其他陪月來頂工,但係臨時臨急又點可以搵到人手呢?當時真係係唔知點算好?因為自己真係好攰好需要休息嘅同時,又非常擔心剛出世嘅BB照顧得唔好,當時在床上稍作休息嘅我已經擔心到喊咗出嚟,大概產後抑鬱就係咁樣造成㗎喇......

結果我又發短訊去搵搵之前幫過我喜歡照顧BB的那個陪月姨姨,竟然她也剛剛回到香港,於是我立刻打俾佢,同佢講希望佢可以幫幫我,講唔夠兩三句嘅時候,我已經忍唔住係咁喊,因為實在太擔心了⋯⋯
最後她二話不說,第二天就立刻過來幫我,我就把屋企這個冒牌陪月辭退了。
雖然經過了一些波折,我都覺得非常好彩,起碼最後都可以搵返一個自己相熟的阿姨來照顧BB,整個人都放心晒!

其實照顧BB真不是一件容易事,係需要好多心機時間和精神,記得當時我心裏面諗,如果我有力氣有體力的話,真係希望咩都可以自己做晒,唔需要求人手,假手于人!可惜當時剛剛出院,身體真係未復原,非常需要休息。所以我非常感恩,最後難題都解決了!

在這裏希望各位媽媽都繼續努力,任何難題都一定有解決方法,要加油啊!

⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓⇓
歡迎 Follow 我其他 Social Media account:
Facebook:立即Like 我Facebook!
Instagram:快啲Follow 我Instagram 啦!
YouTube:Subscribe 我YouTube Channel未?

【編按:以上內容為作者之個人意見及立場】

相關文章

產後媽媽一定要飲炒米茶?

【何嘉莉懷孕週記】修身修肚坐月食療

坐月最緊要坐得開心

【我的陪月媽媽】3大產後飲食調節重點