2019-05-09

12.8K

呢件事發生後,令我想下一胎嘗試全母乳......

今日想同大家講下我點解會成為母乳媽媽
生大家姐嘅時候純粹係抱住一個嘗試心態
屋企亦買定一罐奶粉看門口心想坐好個月
其他事情隨心吧又好好彩請到好陪月姨姨
所以上奶無難度奶泵同奶袋成為了我摰友

到咗Blair六個月嘅時候我無論泵幾耐都只係得20ml ,而BB亦一直用奶樽。所以想就算想埋身餵佢又唔成功身邊無朋友已婚或者有小朋友分享經驗...為免壓力爆煲我決定全奶粉了

直至發生咗依件事令我想下一胎嘗試全母乳...

Blair 18個月大如常打疫苗第二日有微燒都預咗
正當我去咗廚房準備退燒藥嘅時候回頭一望
BB全身抽搐面部發紫咁我即刻做急救check 住抽咗幾耐同確保佢無因爲抽搐而撞到頭或身體等到情況穩定即刻打999 再打俾老公
9秒9準備好簡單物資放係袋等救護車到
我抱住Blair上車 救護人員幫佢check vital
由於抽搐耗盡佢嘅體力所以瞓著到叫唔醒
停下來終於識得驚 已經拕住第二胎
屋企又得我一個 實在是那來的冷靜
去到醫院檢查後感恩一切正常
但係小朋友係18個月前有過高熱性抽搐的話
係六歲前再發生嘅機會偏高所以我每次見到
大家姐有少少唔舒服都會提心吊膽因為抽搐
嘅畫面令到我非常心痛真係唔想再見到依個畫面
Blair 都快5歲啦 個子比其他同齡小朋友petite
但係總算健康成長 大大下明顯抵抗力高咗
少病痛咗我同老公都放心啲

大概大家都會明白點解第二同第三胎會想餵母乳啦~因為想小朋友抵抗力好啲但我自己心態
仍然保持隨心的,因為太大壓力對自己同屋企都冇好處

懐孕期間餵母乳的話怕子宮收縮會導致小產
所以資詢過醫生意見如果有見紅的話就要停
挓住第三胎嘅頭兩個月我都仲有餵二家姐
但明顯奶量減少咁就係時候老公幫忙戒埋身
整個過程無呼天搶地平安渡過多謝老公夜晚
拍足一星期氹瞓覺實在係幕後功臣

好啦,第三胎Riley 仍然係母乳BB超級黏身
我希望可以順利餵到佢一歲啦就心滿意足了

媽媽們, 記得唔好俾自己咁大壓力
辦法總比問題多,Stay positive!

【編按:以上內容為作者之個人意見及立場】