3日2夜 - 產後病房趣聞

2019-09-09 1.7K


個3日2夜我一定冇產後抑鬱!因為同房帶比我太多歡樂!

話說我同房有一個大家姐媽媽,同隔離床嗰個好朋友媽媽好好傾,又大聲!咩私事,公事,是非都講一餐!成日派花生俾我食,搞到我個位成地花生殼!

『事件1 - 有關鼻寒』

<產後病房當然就係周圍都係BB喊聲⋯⋯>
大家姐:哎呀,啲阿媽都唔知點咖!啲BB喊到咁都唔理!
好朋友:陰公囉,喊到聲都沙埋啦!都唔知點做人阿媽㗎!
大家姐:我唔得咖!我忍唔到我BB喊咁耐!我預咗俾人話我種壞佢咖啦!BB係用嚟錫㗎嘛!

<之後果晚,大家姐個BB成晚喊到癲咗⋯⋯而大家姐就瞓到gur gur聲,佢係完全完全聽唔到BB喊!可憐BB就喺佢床邊,#喊到斷氣咁滯都冇人理>

<第二朝⋯⋯夠鐘餵奶,佢嗰BB又喊!>
大家姐:我BB好斯文,喊都喊得細聲過人。
<其實BB已經喊咗成晚,把聲擦曬,同埋應該好攰⋯⋯P.S. 同房有個外籍太太第二朝同姑娘投訴佢D鼻寒聲>

<生完仔好攰,大家姐媽媽瞓晏覺,佢BB又喊,護士過去叫佢⋯⋯>
護士:太太,你BB喊左好耐啦!你抱下佢啦!
大家姐:⋯⋯⋯⋯
護士:太太,你BB可能肚餓啊,不如你餵奶啦!
:⋯⋯⋯⋯
護士:太太?!太太!!!(伸手去推下瞓喺床上面嘅佢)
大家姐:GUR!!!(好大聲既打呼聲醒左)下?!
護士:(青都面埋)太太,你好攰呀?#你BB搵你呀!
大家姐:係呀⋯⋯尋晚成晚瞓唔到(尋晚就係阿B勁喊,冇人理個晚)

『事件2 - 生完仔會蠢D』

大家姐:我地呢啲高齡嘅產婦,生仔真係攞命博!
好朋友:下⋯⋯我有排都未高齡喎⋯⋯
大家姐:咩呀!35歲以上就高齡啦⋯⋯我同你差唔多大咋嘛??!
好朋友:我今年 #24歳咋⋯⋯
大家姐.哎呀!!乜原來我大你成10幾年咁多!真係睇唔出(狂笑mode)
好朋友:⋯⋯⋯哈哈⋯⋯係咩⋯⋯
大家姐:即係⋯⋯你個樣唔似咁細
好朋友:係呀⋯⋯我個樣係大啲嘅⋯⋯
大家姐:呀⋯⋯因為你個眼鏡呀!你個眼鏡老土呀

<一個高級啲嘅護士去關心佢地⋯⋯>
護士:BB食奶ok嘛?
大家姐:BB咬到我好痛呀⋯⋯
好朋友:係呀!好痛呀!餵唔到!你比奶水我地啦!
護士:睇過⋯⋯你哋有冇去聽 #餵人奶講座呀?
大家姐:冇!你哋冇人叫我地去聽!
好朋友:咩黎咖??唔知有啲咁嘅嘢?
護士:姑娘會教你地餵人奶㗎,你哋去聽啦!
大家姐:你地D姑娘完全冇照顧過我地囉!
好朋友:係呀!係呀!
護士:好,我去了解下!
⋯⋯一陣間,個護士返嚟⋯⋯
護士:而家有人奶講座,你哋係咪未聽?而家去聽啦!
好朋友:哦!
大家姐:我聽咗啦!我唔去啦!
護士:聽咗?!咁你係咪未餵到人奶?可以聽多次喎!
大家姐:我地去咗啦!聽咗啦⋯⋯
好朋友:係呀!聽咗啦!唔聽啦!
護士:Ok!隨便你哋啦!
大家姐:餵人奶都要學嘅咩,我瞓下好過啦,嘥時間!
好朋友:係喎。

我完全唔敢同佢地有眼神交流,我驚佢哋撩我傾計!

【編按:以上內容為作者之個人意見及立場】