2018-04-11

2.2K

【親子育兒】聆聽孩子心聲 了解孩子的需要

由出世到而家,和牛B轉眼間就快三歲了,我哋無幫佢報讀N班。原因係想俾佢有一個快樂童年,玩多一年先正式孭書包入幼稚園讀書。
上年開始進行咗三場面試,終於接觸到學校係咩一回事。自從面試過後,佢開始不斷會問,「我幾時先返學?」、「我要返學」。

其實我哋所想嘅,又係咪佢想要嘅呢?

和牛B係獨生女,暫時都仲係,未來仲係咪我唔知。
但最近,和牛B成日同我講「媽咪,你唔好返工,陪我玩啦」。
自問和牛B屋企嘅玩具真係超多,圖書亦有好多。但呢一切只能代表佢物質上係好充裕,不等同佢內心覺得開心同幸福。


從每一日嘅小發現,當我推開屋企大門佢就會好興奮、期待眼神望住我同和牛爸爸。
第一句佢會同我哋打招呼,然後馬上拖住我哋隻手,叫我哋陪佢玩。 (其實我想洗手先)

「媽咪/ 爸爸,你陪我玩啦~」
「媽咪/ 爸爸,你睇下~」
有時佢為咗想得到大人注意,亦會出盡力或過份肉緊地表達自己開心嘅情感。

其實和牛B真正想要的,是我同牛爸的陪伴及關懷。重點係佢係一個獨生女,家中沒有細佬/妹,冇小朋友陪佢玩,所以佢會寂寞。

--------------------------------------------------
Facebook專頁和牛B嘅成長專頁

Instagramwagyubmami

【編按:以上內容為作者之個人意見及立場】

相關文章

【平凡幸福】自製膠袋氣球兼蛋糕 暖心子女驚喜賀爸爸生日

【教育方程式】爸爸陪讀比媽媽效果好3倍!拆解3大好處

男童被母親狠罵未完成功課 崩潰離家出走5小時:「愛我還是功課?」

【悲劇】藍田麗港城男童墮樓 媽媽揭發報警 經搶救後不治

緊貼新冠肺炎最新相關資訊