2019-07-26

616

「我要買新手機!」

小編今次分享一下最近教學童理財嘅個案。今次個學童大約13歲,近日唔小心跌爛咗部手機,仲諗住用利是錢買返部最新出嘅手機,大約要$3500左右。佢忐忑左好耐,雖然利是錢足夠可以買到新款手機,但係偏偏父母最多淨係俾佢買$1000以下嘅型號,面對兩難,小編就用以下幾個問題引導佢思考:

一、要維修個部跌爛咗嘅手機要幾錢?
小朋友:雖然問嗰啲手機維修舖,話只需要$250去維修個跌爆咗嘅屏幕,但係部機真係有啲慢,都係時候要換部新嘅。
二、如果真係要買新手機,點解一定要買新款嗰個呢?
小朋友:因為呢一款個屏幕大,記憶體較多,用嚟打機睇片聽音樂最好不過。
三、除咗買新手機,仲有冇其他方法?
小朋友:唔⋯⋯
四、假如真係買咗部新款手機,但係又再唔小心跌爛咗,你會有啲咩感受呢?
小朋友:唔會掛,我以後會小心啲啦⋯⋯

FinKAB導讀:小編以上四個問題其實係想引導學童去作出多方面嘅思考,從而解決問題。第一步就係首先要佢明白到佢當前遇到嘅問題係乜嘢。佢嘅問題其實唔係唔夠錢買新手機,而係要如何修理好跌爛咗嘅手機屏幕。手機跌爛咗只要仲用得,經過維修更換新屏幕,問題就已經解決了,想換新款手機只不過係一個藉口,但並唔係要解決問題嘅唯一辦法。除咗買新手機、更換屏幕之外,其實仲可以考慮一啲使用狀態唔錯嘅二手手機。最後一個問題其實係想提醒佢再次代入情景,經歷一次跌爛一部新機嘅慘況。如果一炮過用晒啲利是錢去買一部全新嘅手機,一不小心再次跌爛,咁就真係喊都無謂啦。

【編按:以上內容為作者之個人意見及立場】

相關文章

打機都可以學理財?5個足不出戶學理財貼士

【從小學理財】孩子宿營學習不亂花錢?

踏上Youtuber名成利就之路?創富就是鼓勵孩子創作?

球場上保持良好品格,全靠這個方法!

緊貼新冠肺炎最新相關資訊