2018-10-30

418

【投資知識】求知求學的態度

每次敎小朋友理財,最令佢哋雀躍萬分嘅一定就係玩理財桌上遊戲。佢哋每一次見到副桌上遊戲嘅時候,都會立刻上前睇吓棋盤,搵出邊度喺開始嘅方格,擲骰決定先後次序,跟住就即刻開始遊戲。

而我刻意唔主動講太多遊戲規則同勝出目標,大部份嘅小朋友都係行動派,問都冇問就即刻按遊戲盤上嘅指示開始遊戲,玩咗10至15分鐘之後,先至有啲小朋友會問我,個遊戲玩幾耐㗎 ,點樣先為之勝出。當然亦都有一少部份比較醒目嘅學生,未開始遊戲之前就會先舉手問清楚遊戲勝出嘅方法,係鬥多分,定係嘅鬥最快完成棋盤上所有方格。呢一類嘅小朋友小編最為欣賞,因為佢哋喺玩遊戲之前,就已經清楚知道遊戲嘅規則,同埋自己嘅目標。

作為家長又有冇覺得呢啲野好似似曾相識咁?大家又有冇試過喺唔清楚自己所投資嘅產品(甚至股票)嘅情況下,就已經盲舂舂咁入市,玩到一半,先知道原來遊戲嘅玩法可能同自己心目中嘅諗法唔同呢?當然玩遊戲嘅時候冇問清楚就無傷大雅啦,唔需要太過認真,但係呢一種求學問嘅態度,如果一旦變成日後嘅習慣之後,就會可能係一知半解嘅情況之下作出好多錯誤嘅人生決定,當然亦都包括理財嗰方面啦。

【編按:以上內容為作者之個人意見及立場】

相關文章

理財個案—40歲做到基本財務自由

Jordan Index、Nike Index! 讓炒波鞋進入股市年代吧!

啤牌威士忌天價拍賣 720萬成交

月供法與恆指的風險

緊貼新冠肺炎最新相關資訊