2019-12-13

384

【網購不斷】折扣越大真係越平? 「錨定效應」教你商家心態

最近各大牌子都開始減價促銷,有時路過啲商場更係大排長龍。加之電商的助攻,一時之間購物慾盛。但成日又左揀右揀都買唔落手,一係價位未達運費要求,一係覺得買得太多而覺得唔會用得住,於是一時間,我就諗起一個問題:

我點解咁想買野呢? 係咪中左商家嘅圈套呢?!

所以,今次就講下消費當中嘅心理。所謂「知己知彼,百戰不殆」,藉此讓理性降臨消費。

今次要講嘅係由2002年諾貝爾經濟學獎得主Daniel Kahneman同Amos Tversky所提出嘅錨定效應。

呢個現象就比喻我地買野個時,會將第一眼見到嘅價碼設定為「參照點」(reference point),然後以此判斷其他價格嘅高低。就好似一個錨咁將自己定左係一個位置到,然後係呢個點到來回移動,看似自由,卻無所不受限制。

港台曾經做過一個實驗,問A組人「圖書館館藏量係幾多?多過定少過三百萬?」而B組則問「多過定少過二千萬?」最後A組平均值為587本,B則 2475本。可見,拋錨點確實會影響到預設價格。

因此,回看返一開始個例子,商家故意將原價標然後劃去,就係為左落錨。此後,我地就會認為呢件貨品物超所值,仲要比個啲原本就標價$500嘅貨品又高質。

但呢到就係大家要小心,同埋可以提點小朋友嘅地方。係唔少電商嘅優惠期次內,因為唔少人都係聞風而初至,去到就覺得啲貨物折得好多好抵,卻唔知道原來只係平過平時少少。

『內地網民發現:雙11 「減價」後淘寶貨品反而更便宜?』

『雙11減完竟比原價貴?台網民突破盲腸:本來就不是台灣的購』

以上兩則新聞,相信大家都唔難發現佢地嘅心計,所謂價格可以係折前,或者折後,都可以唔同,所以買之野之前真係唔可以衝動。

呢個問題其實出至自資訊不對稱上,由於我地初來乍到,對於貨品質素同價位都唔太了解,因此主觀地受到折扣嘅衝擊而去判斷質素同便宜與否,實屬不當。

因此,我建議大家可以提早留意貨物價位,以此判斷折舊之真偽,或者係電商優惠開始之前,先將想買嘅貨品提早放曬落購物車到,開始後直接去購物車之中揀選,以免因其他貨品的折扣而影響自己嘅判斷。

但當然,事先應該按貨品質素來訂定一個心理價位畀佢,亦都可以參考同類產品嘅定價係幾多,以資衡量。

【編按:以上內容為作者之個人意見及立場】

相關文章

【從小學理財】教導孩子精明選擇高性價比的工具

【從小學理財】疫情「日式黯然銷魂咖喱飯」的故事 — 親子理財咖喱飯

【從小學理財】如何教孩子賺錢養興趣?

【從小學理財】共享經濟(零用錢版本)對孩子有什麼的好處?

緊貼新冠肺炎最新相關資訊