2020-04-06

634

匯豐派息,唔識扮識

呢個星期HSBC 呢四隻字已經滿城風雨,公布派息,出業積已經跌左一輪,除淨左然後俾英國佬搞佢一野,唔俾佢派息,又跌,就係慘同賴野。我記得我自己好多年前12x買過5仔,但終歸係蝕走既。最終我試過脫歐時4x 入5仔,上到6x 走人,其實最終上到8x,但當其時我搵到國內物業既投資機會,所以見到有錢賺就梗走,轉樓,老實講我係信樓信地多過信股票。

而之前有位專家因為幾年前既文章俾人抽出黎講,但好老實講我先唔評論佢個故事真還是假,但我自己會覺得咁大個人自己既投資,唔應該去咁問人意見後有事就賴落去人地到。因為自己既投資,唔會有外人應該去為你負責,自己既投資只能夠自己去負責。

人地俾左意見你,我諗大家賺到錢都唔會分俾人地吧,相反輸左人地亦唔會俾番你,所以大家做投資確實需要自己學懂分析。好似我咁,我對股係廢既,係一盞燈,而我買樓叫做有少少心得,但我講完出黎,又難保我唔係一個財演去水你架,所以大家要學識網上言論真真假假。網上邊,我知道好多好勁既人其實都係搭左一個靚棚,好既marketing 好既PR,好既文章,咁就可以長玩長有。

而我?我個雞棚就大喇,唱好大灣區,搭個大灣區雞棚,等你地買貴晒D樓,我D樓咪升羅...................到時水漲船高,好過印銀紙............醒喇,如果真係靠香港人去買起大灣區? 我諗個大灣區死得喇,大灣區有危亦有機,而家疫情未完,但我發現對比去年初確係有D機出現了

【編按:以上內容為作者之個人意見及立場】

相關文章

【理財之道】疫情加失業率高企 近半港人儲蓄唔夠捱半年

理財個案––32歲的股票組合配置

債券轉股票之時機 買新樓係咪要SEA TO SKY?

控制情緒是致勝關鍵

緊貼新冠肺炎最新相關資訊