龔成你好，我是你的粉絲，我這幾個月都有留意你的動態。
今年我28歲，覺得自己浪費左十年，望住儲摺，月入萬六到兩萬五竟然存款都過唔到十萬，覺得自己好失敗，好想好似你咁努力五年賺一百萬。
所以今個月下定決心每月存一萬二千，但未知應該買一手2638＆一手6823定係去月供股$3000盈富$3000港燈$3000香港電訊$3000大快活
未睇你本《大富翁致富藍圖》前我會諗住努力儲蓄賺現金流，但睇完我先知應該混大舊錢先再去搵現金流，如果想先混大舊錢，我這兩個投資組合是否錯了?
多謝你花時間閱讀，希望可以得到你的解答，謝謝你
個案重點：
‧28歲
‧現時存款不足$10萬
‧決心每月儲$12000
重點目標：
‧5年儲$100萬
‧未知是否月供股票
‧如何有效財富增值
龔成老師分析：
財務知識要經過學習、經歷及不斷提升的。以最簡單的概念來說，我地應該追求財務自由，要財務自由就要谷大現金流，但在執行上，我地應該有策略地谷大現金流。
亦即是書中所講，我地要計劃好人生的分配，以「先增值，後現金流」作模式，因此，你仍年輕，仍可以集中在財富增值方面，到有一定的資產後，才慢慢較轉成現金流類別。
你利用月供股票去累積資產，是正確的做法，當中所選的4隻股票都無問題，但有一半是收息股，就的確略多，除非你好性風險，否則，其中$3000投資收息股已可以，另外$3000轉成另一隻平穩增值股會較好。
28歲仍很年輕，只要你保持每月$12000，不要被其他事影響到這計劃，加上投資回報，相信5年內你可累積到第一個$100萬。
最重要是堅持儲蓄，因為中途放棄的人太多，只要你堅持，就會成功。所以，月供股票都是一個很好的方法，因為會每個月「逼」你儲蓄投資，初期效果未見，但過幾年，你就知道威力所在。
以你的情況，5年儲$100萬根本是做到，但就要睇你能否堅持，加油！
