2020-10-17

3.2K

【GutsMom 4口之家】飛英生活體驗日記 第二章:沒有「容易」的路

點解嘅?點解可以走嘅?
點解咁快走?

其實冇咩點解,一齊取決於有冇心,事在必行,兩個月可以攪掂晒。當英國打開了度門,如果你諗左諗右嫌三嫌四,咁香港真係最適合你。

距離出發還有十日,心情每天轉變,期待人生新一頁,既緊張又擔憂,有點興奮也帶點沉鬱。如最初想像,舉家移民要有強大心臟,做好失意和失業的心理預備,抗抑鬱的決心,做好「失意理財預算」,承受到至走。

更多文章:【GutsMom 4口之家】飛英生活體驗日記 第一章:Shall We Move?

兩個大人可以走得好瀟洒,就好似couple working holiday visa,拍住拖咁過去捱下闖下。咁帶住兩個細呢?仲要一個係bb,英國收留你,但都未到入學年齡,child care 又貴,咁即係要自己做埋nanny,父或母其中一人冇得打工,計一計又要頂幾年。

有說英國失業率高企,嚴峻疫情又再推高失業,更加唔易搵工,玩下手失業一年兩年,認真係要做呢啲心理準備。

然後呢?咁諗法根本就唔駛出發,其實香港幾好,又有穩定收入,高薪厚職,高床軟枕,有工人湊bb,仲有奶奶幫手,又多朋友聚會,仲有sogo thankful 每半年血併至夜深,疫情期間飛唔到去大板,都可以每星期食omakase,幸福地生活下去。

事情從來都沒有簡單和容易,當要去英國的都預準好出發,英國疫情卻再次爆發,疫情和心情都如過山車般又上又落。阿Q 啲諗,又係上天給你的考驗,就好似阿媽同老婆兩個都推你落海,你會拉住邊個?

各有各好,亦各有各驚,珍惜人生仲有得選擇,相信決定,試左先講。

【編按:以上內容為作者之個人意見及立場】

相關文章

【海外升學】面試英國寄宿中學忌機械式對答 報名校要考定UKiset

【GutsMom 4口之家】飛英生活體驗日記 第一章:Shall We Move?

【海外升學】虎爸媽親自送子女進學校?母愛在瘟疫蔓延時

【我有移問】移民英國樣樣好?新手媽媽:應該呢世都唔會慣呢邊醫療

緊貼新冠肺炎最新相關資訊