2019-05-02

4.7K

【財政大臣唔易做】女人睇錢太重婚姻多數有問題?

嚟到21世紀,咩都講求男女平等,咁唔知大家對財政分配方法又有無一套新嘅見解呢?依舊覺得「男主外,女主內」,最好梗係一個人管晒?抑或覺得應該財政獨立「自己搵,自己使」比較公平?咁若果有小朋友,又應該點先最公平?

對於呢個問題,個人認為其實係無既定答案,安排點樣分配之前,應該首先考慮家庭需要;如果一個家庭無小朋友,而且兩夫妻都係在職人士嘅話,其實「自己搵,自己使」問題都唔大,不過若果屋企只有一個收入來源,仲要加個小朋友,雙方要講錢就自然變成無可避免,而正所謂「講錢傷感情」,如果處理得唔好,好容易令夫妻關係出現裂縫!

最近就有JM提出「女人睇錢太重,婚姻多數有問題?」呢個論點,至於點先為之「錢太重」?有人就認為睇錢重嘅人,往往只會喉住其他人嘅錢,闊佬自己,孤寒人哋,幾乎想搶人身家咁款,而且貧賤夫妻百事哀,現實就係咁」、「要識理財,而唔係守財,守財好多時會變成太計較」、「男女都係,太過計較都有問題」......

睇完大家嘅討論,茄莉姨姨就認為令婚姻有問題嘅其實係「太計較」三個字,有危機感係好,但精算太深,你又開心咩?夫妻相處之道,都係凡事放輕鬆,好多嘢都易處理,畢竟大家嘅共同目標都係為頭家好啫,邊個數口精咪邊個搞囉!好似茄莉姨姨身邊就有位女性朋友對錢字可以話係零概念,做咗人哋阿媽都仲係個月光族,有關小朋友嘅開支都無話特別同老公計,總之就一人畀啲,而對於另一半搵幾多都好似唔多清楚,咁到底有咩可以令佢咁輕鬆?咪就係因為佢老公一句說話:「理財呢啲嘢好煩,我一個人煩就夠!,嘩!聽落去真係即時幫佢老公加咗心心效果,聽到都差啲糖尿啦!

即刻Click入討論區一齊傾

【編按:以上內容為作者之個人意見及立場】