2019-12-03

731

【C6選擇性失憶】結婚紀念日都唔記得?就嚟老婆姓咩都唔知道!

以前成日聽人講男人同女人係來自唔同星球,所以佢哋嘅邏輯思維根本完全唔對等,簡單如男人只會睇到紅色,而女人眼中就有胭脂紅、寶石紅、玫瑰紅、山茶紅、淺玫瑰紅、淺珊瑚紅、火鶴紅、淺粉紅、鮮紅、灰玫紅、威尼斯紅等等 ...... 所以要喺某啲話題上展開討論,簡直係嘥氣!

不過時移勢易,其實現今都有唔少細心男,好似最近Juicy媽喺就討論區見到有位JM提問:「你老公記得你哋結婚嘅日子嗎?」,初初仲以為實係一面倒狂插C6們,呻爆佢哋好似患有選擇性失憶症咁,自己鍾意嗰隊足球隊嘅資料就如數家珍,差啲連邊年邊月邊日、幾分幾秒入波都講得出!相反喺佢哋眼中細眉細眼嘅日子又算係咩?唔好話結婚紀念日呀,就嚟老婆姓咩都唔知道!

討論區熱話:你老公記得你地結婚既日子嗎?

討論區熱話:你老公記得你地結婚既日子嗎?

「勸大家都係唔好問啦,免得好似我咁唔開心。 」

「反而係我自己唔記得,老公話擔心我會老人癡呆! 」

「記得,因為佢用個日子在做password。」

點知碌入討論區先發現,原來有唔少C6,甚至係6299都有好好記住佢哋嘅各大紀念日,仲巴閉到提返個老婆轉頭,而且加上科技進步,令唔少失憶嘅金魚一族都可以靠電話就可以年年月月、清清楚楚咁記得各項紀念日,對於經常被標籤為粗心大意嘅火星人真係唔簡單!所以話呢個結果絕對係有驚喜!

之但係若然你身邊嗰個,竟然就係患有選擇性失憶症嘅小眾,其實亦都唔使太失望嘅,老土啲咁講,過得開心嘅話,日日都係結婚紀念日啦!每人個腦記憶體都係有限,比著你有時都總有事會唔記得啩,幾十年夫妻又何必為咗記唔記得一啲特別日子而太過唔開心呢?一段感情關係,重質比重量更重要,係咪唔記得幾時結婚就等於雙方感情唔好呢?

【編按:以上內容為作者之個人意見及立場】

相關文章

多穿橙色衣物 響應「消除對婦女的暴力行為國際日」

3大類另一半常見壞習慣,有冇你份?

結婚前傾傾先,婚前輔導5要點締結和諧婚姻

老公唔做家務像大細路 竟成媽媽最大壓力來源?