2019-05-22

6.6K

一紙婚書=簽過名?簽咗都只係門面嘢?

對於「大家覺得一紙婚書重要嗎?」呢個問題,茄莉姨姨認為絕對係一個個人選擇題,不過呢個選擇相連住好多理性與感情嘅誘因;婚姻本身係種承諾,但基於承諾係唔需要靠張紙去證明同肯定,所以令人不禁覺得「 唔簽都一樣啫!

轉個角度睇,如果將呢張紙定性為一份具法律效用嘅合同,就唔同講法,一紙婚書除咗可以保障咗雙方利益,同時係向外間表明嘅一個法定身份,學其他JM話齋:無事無幹係無問題,但當有特別事故時,你就會發覺一個法律上的身份是很重要的。 」、「一紙婚書係法律上重要,將來touchwood有咩大事要決定,繼承遺產、保險金等,只有合法妻子先有相關權利,如果無一紙婚書,法律上你同佢係無關係。」

有人因為兌現一生一世承諾而結婚,有人因為想生小朋友而結婚,以逆向思維去分析,如果註冊結婚只係等於一張紙、簽個名,又使乜有呢種制度?使乜幾千蚊搵個律師嚟證婚?再講得遠啲,如果呢張紙咁唔重要,咁點解有人會不斷爭取同性婚姻合法化呢?

返番去感情範疇,其實呢張紙某程度上,真係可以維繫你嘅感情同婚姻,兩個人相處要走到最後,當中好難完全同步,呢一刻磨合好,唔代表下一刻會一樣,畢竟大家嘅成長步伐會因為接觸不同事物而改變,有時情侶稍有拗撬,要講分手同搬走,總比決定離婚容易,喺火遮眼作出呢個決定之前,或者佢可以幫你或者另一半召醒甜蜜承諾同回憶,令人停一停、諗一諗。

所以註冊結婚,又點只簽個名咁簡單呢?

即刻上討論區一齊傾

 

【編按:以上內容為作者之個人意見及立場】

相關文章

女人真係易做?為乜執屋、曬衫都係女人

未結婚就諗定離婚?冇樓=冇保障?

結婚4年,老公唔認有老婆……簽紙真係只為抽居屋?

白頭到老唔容易!有幾多人真係可以成功克服引誘?