2018-07-25

6.4K

人夫話「全職媽媽要做好本份」 網民:你當自己係ATM屋企冇你份?

嗰日畀我見到有男性喺Forum開post問:全職媽媽有幾辛苦?老公出去搵錢就唔辛苦嘅。況且留得喺屋企收家用,就要做晒所有家務,唔好埋怨老公收工返嚟唔幫手,因為全職媽媽都幫唔到老公工作上嘅事。

嘩,講到爸爸嘅唯一義務就係拎錢返屋企,出糧畀老婆做工人咁。完全當咗自己做一部ATM,冇諗過自己需要為家庭盡丈夫、爸爸,甚至係一份子嘅責任。咁係咪有一日佢冇咗搵錢嘅能力,家人就唔使再尊重佢,可以當佢地底泥?

講到天底下嘅全職媽媽全部都係逃避工作先留喺屋企,仲要好得閒成日上網打卡搶光環咁。呢位人夫嘅思想真係令人無奈,完美示範畀大家睇咩叫以偏蓋全,正如女人話男人個個滾之嘛!

樓主仲話,打份工都有機會半夜on call,全職媽媽都唔係廿四個鐘湊仔喇,小朋友唔瞓嘅咩?成日用打工同湊仔相比,知唔知組織家庭之後,條數就唔係咁計架喇!女人生仔可能仲要捱一刀添喇,你唔好話做警察都有機會被槍擊?

有網民就講得好啱喇,有啲媽媽好享受湊小朋友時光,有啲媽媽就需要更多自我空間。全職媽媽可以做到踢晒腳,又可以有工人長老幫手勁得閒,點話得埋嘅啫。做全職媽媽定在職媽媽都冇問題喎,同另一半拆掂佢就得喇。

睇完個post覺得有啲奇怪,樓主就話自己有幫手做家務,雖然辛苦但換嚟老婆一句多謝就抵返晒。咁嘅好好先生,點解要多舊魚去評論其他全職媽媽有冇搶光環呢?一家唔知一家事,都係慳返啖氣好過喇。

入嚟討論區一齊傾

【編按:以上內容為作者之個人意見及立場】

相關文章

【暗藏危險】3歲女玩彈力乒乓球 軟軸直插左眼險眼球破裂

【從小學理財】共享經濟(零用錢版本)對孩子有什麼的好處?

在職媽媽也能當稱職老婆 夫妻關係在乎溝通與尊重!

【我的盛夏保濕推薦】3分鐘辦公室護膚小貼士 完美對付冷氣乾肌

緊貼新冠肺炎最新相關資訊