2019-04-24

1.4K

求婚鑽石1卡都唔夠?最後關頭揀愛情定麵包......

啱喺討論區見到有關求婚戒指唔夠1卡就唔嫁嘅議題,即刻諗到呢個有關「麵包與愛情」嘅問題。多年來被視為熱門嘅愛情話題「麵包與愛情」,從來都冇一個標準嘅答案,但我認為:麵包與愛情有輕重之分,冇對錯之別。

對於呢個嘅議題,JM們都各有睇法,有人覺得:「真心嘅有冇鑽石都唔係問題,嫁個男人唔係嫁粒鑽石囉」、「⋯⋯嫁人定嫁石?」;有人替男生感不憤,覺得女生只喺籍口想分手;亦有人認為「坦白講咁樣仲好,好過結咗婚斤斤計較而分開」⋯⋯諗簡單啲,唔通周街都喺富二代、有錢人咩,1卡都嫌,第時結婚有大把嘢可以嫌!愛情本來就喺兩個人嘅事,能走埋一齊已經唔容易,如果關係從一開始就揀愛情多過麵包,點解到求婚一刻先用1卡嚟量度呢?

時下生活咁困難,即使有愛情亦會有好多現實嘅煩惱,例如:要唔要擺酒?擺酒擺邊度好?旅行定喺儲錢?⋯⋯,未結婚就有呢啲問題,到如果真喺準備結婚個時,仲有大把嘢煩!即使結得成婚,婚後都會遇到好多問題:買唔買樓?生唔生B?生B後要住邊區?等等,所以,如果一段關係要繼續行落去,唔喺建立於兩人嘅愛情基礎上,反而被所有物質條件所遮蓋,要維持一定會好辛苦,絕對唔容易!

講起關係,有位JM認為「⋯⋯只要真心喺一齊,將來就有好日子,現在隻戒指只是一個開始吧」,話唔定真係好似依位JM甘講,當兩個人只要真心喺埋一齊,其實生活再苦都可以苦中作樂,條件再差都可以一齊改善,到時冇話1卡鑽石,3卡以上都可以買得起!

即刻Click入討論區一齊傾

【編按:以上內容為作者之個人意見及立場】

相關文章

男人真係可以咁狠心「話變就變」?

女人真係易做?為乜執屋、曬衫都係女人