2019-09-13

1.5K

一人一句收過長輩咩禮物 利是、零食仲有OO

最近睇Forum睇到呢個post令Juicy媽好有興趣!畢竟我都係收過唔少奇怪禮物,收過廁紙、環保袋唔在話下,仲要收到不知明國家嘅所謂護身符,收到呢類禮物都唔知開心好定係煩惱。作為人妻或後輩,要送長輩禮物會煩惱,但有冇收到長輩送嘅禮物呢?話說有網民提問有冇收過自己奶奶送嘅禮物,引發唔少人留言回答,話題中嘅禮物有啲都幾有創意。

 

唔少JM提及會收到奶奶送嘅食物或利是居多,收到零食、補品等食物可以食落肚,唔會諗要點樣處置;而利是,當然係「意頭」,大多時候係生日、過節收到長輩嘅利是都算係「好意頭」。當然都有唔少JM分享,收到唔少奶奶旅行嘅禮物,例如:「俄羅斯套娃」、 「a貨手袋」、「髮夾」、「潤唇膏」等,這些小手信,讓人覺得奶奶至少有心思在旅行期間,會買小禮物俾自己。

但都有唔少JM分享,無收過奶奶禮物,分享咗唔少有趣回應:「送左佢辛苦養大既仔俾我」、「空氣」、「阿婆顏色裙」、「鑽戒?我水晶都無」等等,雖然係長輩送既禮物,但收到禮,作為後輩,某程度上除了要講聲「多謝曬!」都要有些少表示,請老人家飲個早茶、食個飯、水果回禮或小禮物回禮,都要「意思意思」一下,乜都唔做,似乎唔係甘好!所以有網友分享,「唔好送添呀....要還嫁...」

講到呢度,我都有諗過「送禮」、「回禮」都係一門學問,除咗需要花一點心思加一點金錢,仲要花時間去挑選,當然唔係每個人都會甘樣去送禮啦,但至少為左對方去挑選禮物既心意,收到既人點都會開心既,呢份禮物會變得有意義、有價值!

甘你有冇收到99或長輩送既禮物呢 ?即刻Click入黎一齊討論啦!

 

【編按:以上內容為作者之個人意見及立場】

相關文章

【JM有話兒】搬回同6299一齊住?JM呻:「當年忍得咁辛苦,點可能要我返番去地獄」

新抱奶奶一定激鬥?5大好奶奶特質!你好命遇到嗎?

「成日比較」、「成日認叻」係咪你眼中奶奶嘅寫照?

老土奶奶:個仔係寶新抱係草,人哋個女嫁嚟為服侍佢?