2018-11-01

4.3K

婆媳反目 奶奶過身新抱唔出席

新抱同奶奶唔啱啞,避之則吉嘅情況都唔少。但去到死都唔見面,係咪有啲誇張?喺forum有人講起佢朋友同奶奶一早反晒面搬走咗,近日奶奶去世,朋友同樓主呻娘家勸自己唔出席白事唔好。樓主雖然覺得唔妥,但呢啲野旁人好難畀到意見嘅。

一般人都認為死者為大,既然有個家人嘅身份咪去送佢最後一程囉。有咩仇恨都應該睇化,唔再計較啦。更何況新抱唔出席,老公可能要承受閒言閒語同唔少壓力。

有人話,奶奶過咗身唔知身後事,自己仲生勾勾有感覺喎!根本就冇感情,甚至係討厭個奶奶,去到都唔會真心感到哀傷。加上唔知啲三姑六婆唔知畀咩臉色睇有咩說話聽,可能話個新抱喺奶奶生前冇盡孝,人走咗先嚟惺惺作態。

搞到老死不相往來,咁應該真係好多牙齒印同相處得好不愉快喇。有得揀,邊個唔想同奶奶相處得咏,關係融洽啫?始終嗰個係老公嘅呀媽,都唔想老公變咗兩個女人之間嘅磨心。不過人夾人緣,又真係冇得強求嘅。

即刻入討論區一齊傾

【編按:以上內容為作者之個人意見及立場】

相關文章

緊貼新冠肺炎最新相關資訊