2020-06-23

1.1K

媽媽身兼數職 想奶奶幫下手 一句「我唔識」耍手又擰頭

聽唔少JM 分享自己奶奶係管家婆性格,事事都要參與,任何事都要加把口。大至小朋友讀書揀學校,細至BB 點樣剪指甲都會分享「最好做法」畀你。先唔講婆媳彼此睇法一唔一致,但起碼呢種奶奶出發點係為你或BB 著想,有參與嘅意識,會施出援手。

不過,有種奶奶就完全相反!咩都事不關己~佢哋並唔係屬於開通,思想Open 個種類型,而係每當需要佢哋幫手或牽涉錢銀時,總會用一句金句「我咩都唔識㗎!」擋下一切,實行「事不關己,己不勞心」風格。

「佢講一句唔識就可以唔洗做吖嘛!」

「要佢買佢煮(出錢出力)就咩都話唔識!」

「要俾錢要勞動嘅咪唔識囉!」

討論區熱話:我奶奶最鍾意咩都話佢唔識 (特別係要佢做野/洗$時) 

討論區熱話:我奶奶最鍾意咩都話佢唔識 (特別係要佢做野/洗$時) 

 我唔識㗎!
人生大事當然要問過四大長老,但對住呢種奶奶,只會吃力不討好。例如擇日、過大禮、餅咭、金器,各樣需要佢哋幫手嘅,一律話唔識就算。就算佢哋生咗幾多個小朋友都好,嫁女又試過,娶新抱又試過,都係學唔識㗎!但又好有趣,當你同未來老公自己籌備婚禮,佢哋又會好多寶貴嘅意見嫁喎!但輪到收人情嘅環節又會突然好心水清。

BB 嘢?我唔識㗎!
當你有咗BB,唔同家庭成員、各方好友都會好開心咁準備大大小小嘅物品送俾BB。當中有貴有平,有全新有二手,準爸爸媽媽收到呢啲禮物,都唔會介意價值,都重視係個份心意,會由心咁多謝每一位親朋戚友。但偏偏呢種奶奶,一見到其他人準備時,佢哋都會話「呢啲嘢我唔識,乜要嘅咩?」講緊係自己個孫,佢哋都會相當留手,當旁人建議佢哋隨便買啱用或得意嘅用品,佢哋都會用「我老公話唔洗。」接招,真係好無奈。

更多文章:奪命追魂CALL係掛住你哋定管家婆上身?

更多文章:奪命追魂CALL係掛住你哋定管家婆上身?

煲薑、煲湯?我唔識㗎!
拒絕準備BB 用品,有可能因為唔識揀,會擔心將來唔啱用而浪費,都係人之常情。 咁當旁人建議佢哋不如煲薑醋、煮下啲坐月食療俾新抱,得到依然係一句「我哋唔興煲㗎。所以呢啲嘢我唔識㗎!」轉個頭叫你俾錢佢幫你買。 佢哋自己都生咗幾多個小朋友,真係一樣都唔識? 就算唔識,上網查下或者問下朋友真喺咁難?

幫手照小朋?我唔識㗎!
呢種奶奶,隔唔時會上門陪小朋友玩、探下小朋友。但當要佢幫手照顧BB 一日半日呢,佢哋就突然話唔識餵、唔識抱、唔識換尿片。當你聽到呢到,你會唔會懷疑枕邊人究竟點樣長大?

其實無人樣樣都精通、樣樣事都可以識做,只係睇你有冇心去做。講到出錢出力就耍手擰頭,咁樣關係都唔會親密。不如將個心打開,唔好斤斤計較咁相處,一齊用心咁對待對方,相方一定可以建立一個好嘅關係。

【編按:以上內容為作者之個人意見及立場】

相關文章

一人一句收過長輩咩禮物 利是、零食仲有OO

老土奶奶:個仔係寶新抱係草,人哋個女嫁嚟為服侍佢?

緊貼新冠肺炎最新相關資訊