2020-07-16

2.5K

疫情下奶奶召開多人飯局 網民:一定唔可以妥協!

最近呢個時勢,唔好話Juicy媽細膽,我真係冇咩意慾同人約飯局見面嚕。維繫感情都唔急於一時,大家健康先最緊要嘛。今日畀我喺Forum睇到有JM大呻奶奶仲要搞8人飯局,真係該煨囉,老人家咁大無畏都有嘅!

原來唔係得Juicy媽一個驚,好多網民都話去唔過呀!

「唔需要解釋,通知佢唔去就得!依家乜嘢時勢?!」
「你驚得失99諗住食埋今次,99都會再有下一次飯局!」
「我男家打算安排16人飯局, 同個老人家慶祝生日⋯⋯」

熱門討論:疫情下99 堅持8 人飯局。點推。

熱門討論:疫情下99 堅持8 人飯局。點推。

咪係囉,啊奶奶你自己唔怕,都唔好迫人聚餐啦!

奶奶可能覺得:「唓,你(衰新抱)平時一定有同老公小朋友出街㗎啦,唔通日日困喺屋企咩?係我嚟約你先驚呢驚路,唔畀面我啫!」非也,雖然唔係話食咗呢餐飯就一定會出事,亦都絕對唔係假定奶奶有嘢。之不過如果可以降低風險,何樂而不為呢?更何況係多人聚餐,真係有一定風險㗎。

前排成日聽到「打邊爐群組」之類嘅新冠肺炎感染群組,都係一餐飯引起之嘛。一個唔小心變成感染群組主角⋯⋯真係諗吓都怕怕,當然唔想去啦!如果想我帶埋小朋友去就更加咪搞~點會搵個小朋友嚟搏?

雖然最近晚市堂食被禁,唔使擔心奶奶話去酒樓食大餐。但都係治標不治本咋喎,一陣奶奶變招話屋企開Party就仲衰喇!有咩真係要同老公傾清楚,唔想因為呢件事搞到咁僵嘅,咪同其他人呻下算囉~回絕呢家嘢就等老公出面啦。

【編按:以上內容為作者之個人意見及立場】

相關文章

拒行「禁足令」為咗長老慣咗晨運飲茶食個包?!網民:「我睇緊啲乜!」

奶奶唔怕肺炎拒戴口罩 日日照飲茶 新抱嬲爆:惹到BB點算?

【有苦自己知】6299嘅傷人說話,變成心入面一條刺⋯⋯唔想引戰唯有忍囉!

我們都迷失在這場孩子爭奪戰中...

緊貼新冠肺炎最新相關資訊