2018-08-01

2.5K

未做阿媽被排擠 閨密另組媽媽 Group:「你未做人阿媽你唔會明!」


如果未做媽媽嘅你,發現你班媽媽朋友另開一個媽媽Whatsapp Group,約去玩、傾BB嘢唔預你,你會因為唔使被人炸爆個Whatsapp而開心,抑或覺得佢哋想疏遠你?定係換轉角色…做咗人阿媽之後,你都開始覺得未有細路嘅Friend無咁好傾?

 

有網民喺討論區呻個心唔舒服,因為多年嘅好朋友都做哂人媽媽,話題好唔同,講大肚,講生仔,數奶奶….樓主又真係搭唔到嘴。後尾睇facebook發現呢班朋友私下約出黎玩,唔預自己,原來佢哋已經另組一個Whatsapp Group,樓主追問,先有人話「等你遲啲有小朋友至加返你入去」。樓主一黎覺得阿媽係咪就無哂小朋友以外嘅話題;二黎覺得唔通自己未有小朋友就成為異類,唔值得大家keep住份友誼?

 

有媽媽會員就安慰樓主,可能呢班朋友係唔想悶親樓主,佢哋日日講小朋友食玩瞓屙,做咗人阿媽嘅就會有共鳴,但無小朋友嘅好難有感覺,所以佢哋自己傾咪由佢哋傾囉,唔係壞事!同埋做咗媽媽重心真係有唔同,生命全部都係關於小朋友,再用一句:「你做咗人阿媽就會明」作結。不過,樓主咪就係因為唔理解呢個諗法先出Post呻咩?

 

同時,又有另一班做咗人阿媽嘅網民出黎撐,女人嘅世界好大!就算小朋友幾重要,都仲有好多話題可以講:減肥、扮靚、明星、娛樂圈新聞、旅遊、運動、工作等…女人之間嘅共鳴,同有冇小朋友完全無關係!仲要自己係阿媽都怕咗同淨係開口埋口都BB嘅人做朋友…

 

其實做朋友都好講緣份,有好多網民都講隨緣啦!如果彼此係珍惜大家嘅友誼,做算有冇小朋友,都唔會咁容易影響到,所以只係反映到一班「閨密」本身感情都唔夠深厚,話唔定有一個時機可以重拾友誼呢?不過就知道暫時未係好時機囉!

 

入黎討論區一齊傾

【編按:以上內容為作者之個人意見及立場】

相關文章

【你想安居】心思打造孩子小堡壘 精選風格感兒童房設計

【女兒富着養】太早接觸奢侈品是好是壞?台星幼女周身品牌2歲就用Hermes

仔女被欺負 超高EQ媽媽冷靜處理 網民大讚「身教」做得好!

【收納教路】冰箱收納整理法

緊貼新冠肺炎最新相關資訊