2018-12-13

12.9K

菲傭為轉工講大話係常事?網民:呃感情好心寒!

唔少PTM都會請工人姐姐去照顧小朋友,不過請唔請到好工人就好靠彩數。

最近就有媽媽喺forum呻,個姐姐做滿2年,大家相處融洽,半年前已經話佢唔續約想返菲照顧小孩。工人話想要棉胎同羽絨,媽媽都有俾佢。到上機果日,姐姐本身話唔使媽媽送,但因為媽媽話想帶BB來送機,所以姐姐無拒絕。姐姐走嘅當日朋友家姐仲攬住BB喊。

點知飛機起飛前10分鐘,航空公司打黎,話工人冇登機,媽媽打畀工人,已經關機。媽媽之後仲收到入境事務處電話,話工人去extend VISA,仲同媽媽confirm 完約日期。換言之,工人係轉工而唔係返菲律賓!媽媽覺得好心寒,工人做場大龍鳳,浪費佢一番心機幫他送行,又送禮物、買機票!

唔少jm都分享畀工人欺騙嘅故仔,包括:

1. 三年內講兩次話自己阿爸死咗;

2. 成日都話好多人死及傷,要錢要假,有薪嗰種,仲要免費機票添。一出門,咪化行妝,去搵男朋友,可能仲有老公的;

3. 我之前有兩個工人都話死老公,所以要返印尼。一個老公話畀車撞死左,一個老公話流鼻血流到成身都係血,入醫院之後無耐就死左。佢地啲文化好鐘意咒老公死。講的時候仲七情上面、喊哂口、成面眼淚......啲戲仲好戲過周潤發,簡直係影后級人馬。

有jm問過舊菲律賓工人,話佢哋文化係唔可以拒絕人,咁係唔禮貌。就算對方明知係吹都要吹,個個都係咁,唔覺係講大話喎!又有人話呢啲係佢哋嘅民族性,呢一刻快樂最緊要,被人發現講大話就到時先算,發現時可能已過咗骨,名聲對佢地嚟講一啲都唔重要,反正個個都咁做!而且同鄉之間都會教點呃僱主,分享用咩藉口放假同唔返屋企訓!

又有jm解釋,佢哋就好似香港人轉工咁,都唔會同老闆講係揾到份更高薪更好嘅新工,而係話自己去旅行、照顧家庭之類,因為驚舊公司走去搵新老闆唱衰佢。不過工人姐姐咁樣講大話博同情,欺騙顧主感情兼呃禮物真係接受唔到囉!

不過又唔係個個工人都咁衰嘅,有jm話姐姐做咗5年之後同佢坦白去加拿大返工,到而家都仲有Keep contact。都係嗰句,邊度都有好人同壞人。

 

【編按:以上內容為作者之個人意見及立場】

相關文章

緊貼新冠肺炎最新相關資訊