2021-03-04

6.1K

生夠嘅媽媽恩物 – 避孕藥

喺懷上麥皮姐姐之前,我一直都有食避孕藥既習慣,一來仲未 Ready 要生寶寶,二來自己之前M一唔準就好驚會唔會中咗,所以覺得自己都要做足安全措施,唔可以淨係依賴另一半,其實自己都可以掌握避孕呢件事!

當生完麥皮姐姐後,本來諗住生一個就夠,但諗諗下獨生會好悶,想生多個等有人陪下麥皮姐姐,到大個左亦有個照應,所以喺麥皮姐姐21個月既時候就生左提子包妹妹啦~~

兩姊妹總叫有個伴可以一齊成長,一齊玩,一齊讀書;加上電視廣告都有話:兩個就夠哂數!我都十分認同,生左兩個小朋友就已經足夠~講真做媽媽真係好偉大,無足夠睡眠之餘又要照顧佢地既所有野,所以湊小朋友都已經夠攰夠辛苦,更何況作為二寶媽既我,決定開始食返避孕藥!

不過喺再食返藥之前,我同其他女士一樣都擔心自己身體狀況同生產之前唔同左,現時市面上都有好多牌子,已經咁多年無再接觸過唔記得太清楚到底荷爾蒙劑量會唔會有影響身體,副作用,漏食要點處理架?…等等問題

好彩我喺生完提子包妹妹之後,有去做婦科檢查,順便問埋佢有關以上對口服避孕藥既擔憂,佢就開左我Yaz 優悅避孕藥比我令我安心地避孕~~而家我同大家share下

Yaz 優悅係超低雌激素劑量既避孕藥,將平常成日聽到嘅副作用如水腫嘔心、乳房脹痛等減至最少;而且避孕成功率係超過 99%,比起淨係靠老公用安全套穩陣得多,始終安全套唔係我地女人用~

呢隻避孕藥有獨特成份,叫 DRSP,係唯一有助減少水腫及油脂分泌問題既避孕藥成份!難怪醫生話唔少女性都會服食呢隻避孕藥治皮膚問題~~

Yaz 優悅同其他21粒裝避孕藥唔同,係有28粒,叫 24+4 ,即係 24粒含有效成分藥丸及 4粒無藥性既藥丸,連續每日食就可以,非常方便!

每盒 Yaz 優悅入面都有一張標籤貼紙,用黎貼係藥排上面,以便提醒自己開始服用既日子!

服食方法都好簡單,喺月經黎既第一天開始,每日食一粒,直至完成整排 28粒後,就立即開新一排繼續,中途無需停藥,減低漏服機會!通常在服食最後 4粒含非活性成分的藥丸 (白色藥丸) 期間就會來經~~

如果真係漏服既話都唔怕,只要喺 24小時內補服即可,Yaz官網上面都有得下載服藥提示app,有重覆提示功能,基本上唔會唔記得食~

記得最好每日係同一時間服食,就可以減低出現不適或陰道點滴出血機會~

不過醫生都提我,啱啱食返避孕藥開頭可能會出現輕微適應期反應,例如不規則陰道出血、嘔心等,佢話呢啲喺適應期過後就會消失,唔係會影響健康嘅信號,應繼續照常食,忍多陣就會無野,否則功虧一簣。
當然如果有嚴重既副作用持續出現,就要立即聯絡醫生~~

相信大家都會怕服完避孕藥之後會影響將來胎兒發展及健康,其實醫生話係唔會架,加上避孕藥藥效短,係數天內就會在體內代謝並排出,唔使擔心會長期積聚係體內或影響到停藥後受孕或懷孕情況,我兩胎都好健康!

而我喺生完提子包妹妹之後黎第一次月經時就已經開始服食Yaz 優悅,做足安全措施,避免再增添新成員,亦為自己及家人作最好既打算~~

所以女生們要好好愛錫自己,係未準備好做媽媽既你地一定要做足準避,唔好淨係靠另一半做安全措施,自己都要有好好既打算,以免意外發生!

【編按:以上內容為作者之個人意見及立場】

相關文章

我的避孕選擇 - 短效而最大成功率的小藥丸

親身經歷!食避孕藥會唔會影響生BB㗎?

疫情下延後生育大計點避好

緊貼新冠肺炎最新相關資訊