918

久美遊記:跟我到曼谷快吃一轉

啱啱月頭去完曼谷自由行快閃,好多朋友私訊我飲飲食食嘅資料,其實上次飛都係好隨心嘅,所以都係行到邊食到邊,曼谷四圍都有好嘢食,等我分享吓我曼谷嘅飲食畀大家啦!!

其實大部分時間我都留喺曼谷市中心,一來因為快唔夠時間,二來我都好怕塞車,加上市中心經已夠多神聖寺廟同埋購物好去處,行到攰又可以隨時按摩一下。

Air Space

呢間時尚泰菜,精緻裝修,原本開喺華欣嘅,但因為太好食,非常受歡迎,所以曼谷都有分店。成間餐廳採用咗採用白色同寶藍色做設計主色,打卡一流!

個人覺得必點生蝦刺身,非常肥美,我同男朋友每人食咗一碟,喜歡食生蝦嘅朋友真係可以不妨一試。

Air Space
地址:Unit G208, 2nd Floor, Groove, 4,4/1-4/2,4/4 Ratchadamri Road, Pathum Wan 10330 Bangkok

 

Cococano

講開必去嘅商場一定係Central World,位於其Food Court嘅呢間Cafe人氣椰青咖啡真心好好飲,而且仲有一絲絲新鮮椰肉,入口好鮮甜又飲到咖啡味,只係十幾蚊港幣咋。

Organika House

喜歡相機食先嘅朋友有時間可以嚟呢間森林系玻璃屋餐廳,沒有特別限制用餐時間,所以可以慢慢影到靚先食。

喺結合綠色的植栽、樹葉、藤蔓環境吓享用呢個afternoon tea,心情都特別好,而且呢個二人下午茶價錢合理,只係港幣二百幾蚊。

如果有時間的話,可以試吓呢間打卡影相一流嘅森林系Cafe,好多人都會特別打扮一下兒嚟影相架。

Organika Café & Restaurant
地址:6th floor, Building A, Piman 49, Soi Soukhumvit 49, Sukhumvit Rd., Wattana, North-KlongTon,Bangkok

 

The Best Of Noodle Boat

喺勝利紀念碑站,往勝利紀念碑方向走,就係有名嘅「船麵一條街」,呢條街有好多間船麵,我食嘅呢間係最入著橙色制服果間。有豬肉同牛肉可以選擇,而湯底就有肉湯、酸辣湯,咖啡色碗裝嘅就係牛肉船麵,湯底香濃好好食。

由於兩啖就可以食完一碗,所以一口氣食上差不多都唔過分,一碗只係港幣大概2,3蚊,所以試哂咁多隻味都okay!

The best of noodle boat
地址:Sutyot Kuetiau Lua Payak Phaya Thai,Bangkok

 

最新地標ICONSIAM

必到呢個曼谷最新地標ICONSIAM,雖然比較遠少少,不過有免費穿梭街渡到對岸各大酒店同接連Sathon區,所以都幾方便嚟呢個商場,我會建議搭免費穿梭街渡,咁就可以避開塞車嘅問題啦!

最令我喜歡同逗留最耐時間嘅,絕對係地下一層SookSiam,佔地約15,000平方米,將所有街邊小食檔通通都引進呢個商場,大量特色小販檔攤,由小食、凍飲、甜品、熱炒、湯粉,水果,以至特色土產同手工藝等等都有,真係行幾個鐘都無問題。

果日我都喺度逗留咗差不多四小時,慢慢食慢慢行,呢間香蕉pancake好好食架,入口好香蛋味。

室內水上市場夠哂特別,再加上平民價格想點食點買都無問題,值得一去!

ICONSIAM 暹羅天地
地址:Charoen Nakhon Rd, Khwaeng Khlong Ton Sai, Khet Khlong San, Krung Thep Maha Nakhon 10600,Bangkok

 

今次嘅曼谷自由行分享到此為止啦,想要多少少資訊嘅朋友可以聯絡我!

【編按:以上內容為作者之個人意見及立場】

相關文章

【旅遊2020】穿梭世界必備良伴 TUMI全新春季系列真正隨心而行

【假期2020】臨急抱佛腳系列!速食親子遊5大地點推介

【請假攻略2020】法定假期請3放9!請4放10!自製長假期旅遊(含親子遊地點推薦)

【親子旅遊2020】東京、台灣不入十大 Airbnb預測2020年最受歡迎地點

緊貼新冠肺炎最新相關資訊