服飾穿搭

3.8K

*☆ 懷孕更要靚 (*´∀`)~♥ 初春可循環搭配首選 *✲゚*

有唔少孕婦都會擔心懷孕期間,因為身型改變而再無機會扮靚靚,又或者只係諗到可以狂瘋向孕婦裝入手;事實上,其實你仲有好多選擇,適合不同場合嘅時尚搭配都應有盡有,最緊要係產後都可以著得返,繼續做潮媽!

【斯文必入】

連身裙可以話係孕婦恩物,絕對係方便之最,而且屬於高質可循環系列,不過揀連身裙都有小秘訣,好似娃娃裝,或者高腰位置有束帶嘅剪裁設計,會較容易拿捏,兼且更顯腰型,塑造線條。

至於準備哺乳嘅孕媽媽,可以多考慮胸前扣鈕或者恤衫款式,咁將來餵哺嘅時候就更方便啦!

【型格配搭】

懷孕係咪等於要同貼身褲、窄牛講再見?非也,皆因有呢個專為孕婦設計嘅褲頭,薄薄嘅棉質部份,夠晒透氣之餘,仲彈性十足,真!係!太!貼!心!

美中不足嘅地方係回復身型之後,就要同佢講Byebye(當然回復身型比較重要),建議買一至兩條就夠,至於配色,當然首選牛仔同淨色(黑/白色),較易搭配。

【方便輕鬆】

剛剛提到嘅連身裙都係鬆身系列,但並唔代表孕婦唔可以著貼身裙,貼身裙可以凸顯懷孕時獨有線條美,臀部較大嘅女士們平日可能唔敢著貼身裙,依家大可趁機挑戰一下!

除咗方便,而且連身裙可以作出不同搭配,襯上唔可感覺嘅外套,就可以即時轉換感覺,絕對值回票價!

【百搭配件】

保持時尚感除咗服裝搭配之外,飾物亦相當重要,好似呢種少圍巾,就係其中一項百搭配飾,為單調嘅裝束畫龍點睛!

圖片來源:280DAYS

【編按:以上內容為作者之個人意見及立場】

相關文章

【秋冬穿搭】多款時尚大地色系穿搭法!嚴選今季至潮搭配

【秋冬穿搭】6大時尚牛仔穿搭法! 教你襯出明星風采!

「一式一樣」親子裝不再老土!精選5間超高質網店 明星也推薦