美妝護膚

1K

【冬日護膚】3招正確保濕法 鎖住水份趕走細紋

隨著冬季來臨,天氣可以話係越來越乾燥,到底不停咁搽cream都無用?皮膚乾起上嚟啲紋仲來哂出嚟,又應該點做好?以下幾招保濕秘技可能幫到你!

3秒法則

每次洗完面後,當然會成面水,喺抹乾面嘅呢個時間就好重要!因為喺啱啱洗完面嘅呢個時候,面部皮膚仲充滿水份,但等耐咗水份就會蒸發,皮膚就會變得乾噌噌,所以要快快手,喺洗完面後3秒之內搽番爽膚水,為皮膚keep住補充水份。

Lock 住水份

用完爽膚水後,皮膚已經好濕潤,所以我哋要把握機會鎖住水份;用含有透明質酸嘅精華,可以將水份子鎖住,透明質酸係天然嘅補濕劑,可以鎖住自身重量1000倍嘅水分,幫皮膚補充水分之餘,仲唔會阻塞毛孔,留意濃度達2%嘅透明質酸產品,已經可以鎖住98%嘅水分。

定時補濕

由於天氣始終係太過乾燥,搽咗咁多保濕產品都仲會被乾燥嘅空氣抽走水份,出街時可以帶備小型噴霧保濕水,一覺得皮膚乾燥時,就噴幾下補濕,之後再補番少少cream。

如果地方許可,敷番個補濕mask都會係個唔錯嘅方法;每星期1至2次,同埋要記住敷得耐唔代表好,通常敷15分鐘就好足夠啦。

【編按:以上內容為作者之個人意見及立場】

相關文章

【彩妝2020】ETVOS AW20 打造不需卸妝的天然復古煙燻妝容

對抗新冠狀病毒!NCCO — IG 3合1皮膚鎖水修護膜

消委會檢測:14款含鉛氣墊粉底 可經由母體傳至胎兒 恐構成健康風險

【媽媽美肌教室】3個錯誤去除黑頭粉刺方法要戒掉!

緊貼新冠肺炎最新相關資訊