美妝護膚

1.2K

【小編直擊】西班牙火熱品牌3INA 帶你遊PICK & MIX派對

唇色選擇可以話係千變萬化,雖然嘴就只得一個,但就確係有買唔完嘅唇膏,可以隨住天氣季節轉變,配襯不同色彩,絕對係一件賞心悅目嘅事,呢種唇上藝術男士們可能真係無法理解,不過有時或者根本唔需要佢哋明白(笑)!

今次小編要介紹來自西班牙嘅彩妝品牌3INA,佢除咗包裝吸引,顏色選擇亦係其中一個賣點,繼上月於海港城FACESSS專櫃隆重開幕之後,3INA喺6月11日於海運大廈FACESSS 舉行PICK & MIX PARTY,正式發放PICK & MIX 唇色熱潮!

PICK & MIX唇膏系列

呢個令人期待嘅系列,一共有3種唇膏質地,16種不同色調選擇,而且仲可以隨個人喜好自由配搭16款包裝圖案款式,有選擇困難症嘅唇膏控真係要小心慎入!

Metallic 璀璨金屬系列分別有#260(紅)及#394(啡)兩個選擇,金屬質感擁有明顯閃亮效果,而且富有光澤,Bling Bling效果出眾令雙唇成為妝容焦點,絕對係夏天嘅好拍檔!

Shiny 閃耀光感系列就有#584(啡)及#257(粉)兩色入手選擇,亮而不膩嘅質感,令唇妝感覺更輕盈亮澤,而且顯色度高,仲有保濕效能,低調中展現亮麗色彩,係配襯淡妝嘅好選擇!

至於Matte 霧感啞緻系列就有多色選擇,當中包括多種近年大熱嘅大地色調,顯色高加上高效遮瑕,可以遮蓋暗啞唇色,而且持久長效,顏色能夠緊貼持久6小時不脫色,打造時尚霧感妝效;唔同色調配襯住唔同感覺,以下分別為#369、#270及#228色,12色選擇總有一款適合你心情!

全新PICK & MIX唇膏系列合共16色 ,單支售價只係$99,喺廣東道Facesss 3INA專櫃率先發售,6月17日就會全線殺入3INA專門店及專櫃!

超印色染唇釉

另外,3INA嘅超印色染唇釉都係熱門產品之一,相比唇膏系列,更為遮瑕持久,不過唇釉始終係液體狀,對於化妝新手嚟講或者較難控制份量,宜逐層加深,達至適合嘅效果!

3合1粉底液

至於3INA嘅3合1粉底液,真係令小編相當心心眼,集底霜、底妝遮瑕於一身嘅佢,擁有超高嘅遮瑕,而且保濕效果極佳,質感透薄輕易造出超薄零瑕底妝;佢多功能嘅身份,簡直係快靚正之選,真係好適合小編呢種懶洋洋嘅彩妝蕃薯使用!

小編親感:之前都有聽過3INA呢個品牌,但真正深度了解都係第一次,除咗以上產品之外,3INA嘅高度防水防油眼影霜、胭脂等等,都令人留下深刻印象,各款產品都有多種大熱顏色選擇,而且產品上色度高,輕易就可以打造理想妝容!重點係3INA價錢大眾化,真係令人難以抗拒!

PICK & MIX派對期間限定:

凡購買任何一支PICK & MIX系列唇膏加自選包裝外盒,即可免費獲贈限量PICK & MIX 精美Tote Bag一個。

PICK & MIX派對現場:

活動期間只要追蹤3INA社交賬號,並分享3INA開幕資訊,就可以喺派對CANDY WALL上免費自選PICK & MIX糖果包一份。

提到美妝派對,當然唔少得最近相當流行嘅夾禮品機,考考大家技術!

3INA銷售點

旗艦店:大龍旺角彌敦道700號T.O.P地下G18號舖
專櫃:九龍尖沙咀廣東道海運大廈Facesss F54號專櫃
香港銅鑼灣勿地臣街1號, 時代廣場4樓,40 - 4 Facesss, 24號鋪
香港屯門鄉事會路83號V CityMTR層M-V13 & V15

Instagram @3INAHK ; Facebook @3INAHK

【編按:以上內容為作者之個人意見及立場】

相關文章

【聖誕彩妝】本季不能錯過的皇牌肌底系列!打造韓式水潤亮澤妝容