美妝護膚

1.3K

【小編直擊】逾5000種彩妝搭配+專人服務!親手製作專屬彩妝盤

法國著名彩妝品牌BY TERRY亞洲首間 Palette Factory專門店登陸IFC連卡佛,將彩妝實驗室融入品牌專櫃,只需10分鐘就可以按照個人需要及喜好,即場壓製獨一無二嘅彩妝盤,享受真正「sur mesure」度身訂造體驗!

品牌創辦人TERRY de GUNZBURE致力打造專屬産品,曾於YSL Beaute擔任美妝設計師超過15年的Terry曾創造一系列標誌性産品,絕對係業界嘅創新先驅;於90年代後期,Terry推出個人品牌,以「奢華配色」嘅獨特理念震撼彩妝行業,同時以「高訂時装」為客人提供深入嘅專業諮詢,打造專屬美品,而Palette Factory正正係將高訂概念輕便簡單化!

Palette Factory專屬彩妝盤 - 單色 $490 雙色 $520 三色 $550

製作過程

步驟一

選揮你鍾意嘅設計,分別可以製作單色、雙色混合、雙色劃分、三色混合或三色劃分,以方便個人使用習慣,例如:三色劃分,可以做出三合一彩妝盤,配搭High Light、胭脂同眼影,又或者雙色混合,創造屬於個人嘅胭脂色彩!

步驟二

選擇屬於你嘅配色,對於有選擇困難嘅彩妝迷可能有啲難度,不過當然唔使怕,皆因專業嘅makeup artist會為你提供分析同意見;揀完顏色,再揀埋外殼,就可以開始進入彩妝實驗室,親手製作屬於你嘅彩妝盤!

成為自己嘅美妝設計師

喺BY TERRY專員協助下,你可以喺平板電腦上創建一個虛擬調色板,從超過44款色調選擇出不同格式顔色,甚至不同變化嘅彩妝色盤;確定設計後,電腦會打印你嘅「專屬配方」,之後就可以去到專櫃嘅彩妝實驗室!

帶上手套,著上實驗室專用白袍,你就化身自己嘅美妝設計師!BY TERRY專員會從旁協助,指導你每個步驟,由拎起調色工具,到量度需要嘅粉末,以至粉末擺位,全程作出一對一專業指導。

最後放上BY TERRY個人化嘅刻名印盤,以專業工具壓入容器,Palette Factory專屬彩妝盤就大功告成;製作完成後,仲會獲派證書,真係一個不一樣嘅體驗!

另外,不得不提BY TERRY嘅Hyaluronic Hydra-Powder,除咗可以強效控油,令妝容更貼服之外,佢嘅透明質酸成份,仲可以濕潤缺水肌膚,高效撫平細紋;夜間使用,可以形成柔滑保護膜,鎖緊晚霜營養,掌握修復更生最好時機!

小編親感:今次自製彩妝盤嘅體驗,對於小編嚟講真係好新鮮,雖然只係好簡單嘅工序,但可以親手將一堆粉末變成自己調配嘅選色色盤,見到個製成品之後,確係有種莫名奇妙嘅興奮,而且產品搭配彈性大,全眼影又得,眼影加胭脂又得,再唔High Light配胭脂加埋個眼影都仲得,除咗可以畀人多心嘅空間,而且絕對方便攜帶,最緊要都係有得揀嘛!

【編按:以上內容為作者之個人意見及立場】