美妝護膚

428

【換領智能身份證】3大中伏妝容你要知!

全港市民換領身份證計劃開始咗喇!不論係永久性居民或者在本港就業(包括外籍家庭傭工)、投資、居留、就讀嘅香港居民,一樣納入計劃內;講到要影身份證,話晒都係長時間使用,大家都絕對唔想影得太醜怪咖!


歌手菊梓喬Hana早前換領 全新智能身份證。(圖片來源 Instagram @hana_kuk)

到底喺毫無角度可言兼任何美圖效果情況下,點先可以影到張令自己滿意嘅靚相呢?就呢個問題,政府都相當細心提供咗拍攝小貼士:


  • 面向鏡頭,表情自然

  • 如選擇化妝,請化淡妝及不要使用深色的化妝品

  • 要有充足睡眠及休息,令精神飽滿

  • 如需佩帶眼鏡,不反光鏡片的眼鏡會有較佳效果

  • 穿著有領及較為深色的衣服


 

除咗政府提供嘅小貼士,小編都整合咗一啲值得留意嘅地方,其中有3點更加係大家要特別小心!

髮型要主意

短片講到,拍攝標準係要清楚見到耳仔同眼晴,如果瀏海長度介乎於尷尬位置,又唔想到時畀職員強制性要你搵個一字夾夾住,最好都係set定頭去,簡單就用髮泥或者定型噴霧固定頭髮,更甚嘅都係搵定相熟髮型師整整佢啦!


Girl’s day成員惠利呢個髮型睇怕就唔合格喇!(圖片來源 Instagram @hyeri_0609)

臉部表情的藝術

其實可唔可以露齒笑?以往影身份證亦無特別規定,屬於個人選擇,至於有人話影身份證好緊張,導致笑容疆硬,大家或者可以試下用舌尖輕掂上顎,再隨心笑起,據說噤樣做,笑容會特別自然,而且仲可以保持更耐,向疆硬Say No!:)

另外,如果唔想顯得臉型肥大,拍照嘅時候下巴可以微微向下,就可以令臉型顯得尖啦!

服裝要識揀

由於身份證只會呈現黑白色,而且入鏡位近乎係超大頭,大部份教路都會提議各位盡量配襯深色衫,但小編就覺得有領衫同深色衫係可以兩選其一,只要影出嚟唔似無著衫就靚晒喇;而有領衫仲有另一個好處,就係佢輕輕呈V字形,可以喺視覺上修飾臉型,當然V領衫都有同樣效果啦!

3大妝容阱陷

切忌水潤底妝 - 近年有不時少女也被水潤妝電到,透薄的性質盡展素顏感,而且薄薄一層就有明顯遮瑕效果,實在讓人愛不釋手,但講到去影身份證,就記得以啞緻色為大前題,免得影出嚟變成滿面油光啦!

眼妝不易過濃  - 首先喺官方指引下,拍攝時係唔可以配戴有色隱形眼鏡,而且濃妝都係不適宜,除咗擔心往後妝容改變下,令關員難以辦認臉孔之外,其實都係為咗大家個靚樣,因為喺強光下使用太深色化妝品,影出嚟就會呈「一撻撻」效果,所以千祈唔好以煙燻妝上陣呀!

至於平少比較小化妝嘅一族,喺影身份證之前,最好都係畫返條眉,同作出適量遮瑕,特別係大家嘅黑眼圈。

唇妝 - 唇妝方面,同樣要避色採用深色,而一啲特別唇妝,好似紅極一時嘅咬唇妝都係不宜採用,以免有過時感覺;另外,要小心嘅係太過閃亮,或者水凝感嘅的唇彩系列,以免變成污漕嘴。


韓星韓藝瑟的靚靚證件相,無論在妝容或是服裝上也可供參巧。(圖片來源 Instagram @han_ye_seul_)

換領排程你要知:

除咗一眾公務員好似行政長官、行政會議成員、立法會議員、主要官員、入境事務隊成員、警務人員同勞工督察之外,首階段要換證嘅就係1985或1986年出生嘅朋友仔,直至 3月30日前記得快快去換證喇!若果你想知道自己或者家人幾時需要換證,可以  詳情按此

前往智能身份證換領中心前,可以透過 網上預約 或 入境處流動應用程式 預約及預先填妥申請表格,以便在換證中心享受更快捷的登記服務。

【編按:以上內容為作者之個人意見及立場】

相關文章

放膽展現自信光芒 ε(*´・∀・`)з゙NARS4月新品率先睇!

* ੈ‧ 櫻花魅力 ✩ 讓人難以hold住的初春色彩 ₊*☆