【期間限定】KATE Tokyo為你打造閨蜜❤情人熱選打卡點

作者:MissyChan

2019-03-14 1,103


白色情人節快樂 ❤  雖則話節日只係商人製造出嚟嘅搵錢機會,不過同時都畀咗個名目大家,藉著呢個甜蜜蜜嘅日子,約埋閨蜜齊齊逛街Shopping,又或者趁機向心儀對象表達心跡!

伴隨呢個放閃節奏,若果嫌單單晒花兼共進晚餐有啲單調?而且整日流流長,唔知可以去邊度先夠情調?KATE Tokyo特別為白色情人節打造嘅Pop Up Store,應該會係你嘅好選擇!

白色情人館雖然場景不大,但充分利用每個位置,設計出多個打卡熱點:

霓虹燈愛情告白牆

以白色為主嘅型格街拍背景

浪漫華麗嘅大型水晶吊燈

俄仔Ansheles完美示範

即製獨有剪影朱古力

小屋內設置拍照區,合照後可即時打印照片及分享到社交平台,製作成獨有嘅合照剪影白朱古力。

除咗打卡熱點同甜到漏嘅白朱古力,提到KATE Tokyo又點少得靚靚嘅彩妝產品,新品試用區入面陳列三大「光雕修容系列」新品,包括:「光雕立體修容盤White Shaping Palette」、「3D棕影立體眼影盒 Brown Shade Eyes」及「零瑕肌密微霧粉底液 Powdery Skin Make」。

當中主打提升肌膚亮澤感嘅光雕立體修容盤,附有相當特別嘅多弧度海綿,5合1嘅組合,可完成眼妝及全臉修容。

修容盤備有兩種不同質感嘅「光雕白」色,分別係霧面(A)同光感(B),自然強化臉部立體感。配合使用鼻影色(C)、眼影色(D)及綻光胭脂(E),令臉部五官線條更加立體鮮明。

小編親感:KATE Tokyo嘅彩妝系列可以話有信心保證,修容盤5合1嘅搭配更加係相當貼心,而且產品SIZE絕對配合小手袋需要;至於使用方面,可能唔係人人都有提升陰影部份嘅習慣,一來懶懶豬,二來確實唔知由邊度入手,更加係怕出手太重影響妝容,今次呢個修容盤可以話係新手起步點,一如以往KATE嘅產品盒底都有清晰區域教學,絕對唔怕唔識用!

KATE Tokyo 白色情人館

日期:2019年3月14至17日 (星期四至日)
時間:中午12時至晚上10時
地點:銅鑼灣軒尼詩道500號希慎廣場1樓中庭

MissyChan

擁其獨特味道,細味柚子;分享細選美品:)