美妝護膚

1.6K

【護膚診症室】扮靚心慌慌!化妝品致癌?Paraben 成份你要知

Paraben(全名Para-hydroxybenzoic acid (4-hydroxybenzoic acid)
對羥基苯甲酸;p-hydroxybenzoicacid)喺化妝品係防腐用途,因為佢對細菌、酵母菌同黴菌都有抑制嘅作用,佢無色無味,唔會令化妝品有陣臭味,加上價錢夠平,所以好多化妝護膚品,甚至係藥品都添加咗 Paraben。

而另一方面,Paraben 最出名嘅就係佢可能同癌症有關;由於Paraben 屬於類雌激素,可能會干擾身體嘅內分泌,甚至有研究話佢同乳癌可能有關!

而懷孕婦女長期用含有Paraben 嘅護膚化妝品,有機會令身體積累毒素,甚至係將身體內嘅有毒物質傳俾下一代,影響小朋友發育。

至於青少年長期吸入類雌激素,仲有機會導致性早熟添呀!又有研究顯示,Paraben會令男性嘅精子數目減少,有機會影響生育能力。

所以我哋揀選成份時,要小心留意”Paraben” 嘅字眼,例如係 methylparaben、ethylparaben、propylparaben等;其實歐盟早喺2015年已經立咗例,禁止喺化妝品內添加5種Paraben成份!

大家以後買化妝護膚品就識點揀啦!

【編按:以上內容為作者之個人意見及立場】

相關文章

對抗新冠狀病毒!NCCO — IG 3合1皮膚鎖水修護膜

【媽媽美肌教室】3個錯誤去除黑頭粉刺方法要戒掉!

【護膚診症室】孕婦可以繼續化妝、美甲嗎?應如何選擇美妝產品?

【美妝2020】SOGO 35周年賞開鑼!不能錯過的購物盛事(持續更新)

緊貼新冠肺炎最新相關資訊