美妝護膚

1.8K

【護膚診症室】點先可以避免戴口罩引起嘅皮膚敏感?

近日新冠肺炎喺全球各地爆發,唔少人都長時間戴住口罩防疫,但有好多人都反映皮膚因此出現敏感情況,又紅又腫,究竟口罩係點樣引起皮膚敏感?

醫用口罩有三層,最外面嘅係防水層,中間係過濾層,入面係吸濕層;醫用口罩原料係不織布材質地,而不織布成分通常含有聚酯纖維,例如:聚丙烯(Polypropylene)、聚乙烯(Polyethylene)等等,都有機會導致皮膚過敏。

更多文章:【護膚診症室】助你擊退長期配戴口罩引發的皮膚問題!

如果纖維材質粗糙,戴口罩時就會唔貼面,而口罩摺痕處會同皮膚摩擦,令皮膚紅腫;而且有啲口罩內含有防腐劑、甲醛殘留、釋放甲醛的樹脂,就會更容易引起過敏啦。

一般而言,敏感皮膚炎嘅患者應該選擇純棉既口罩,但由於棉質口罩並不能有效阻隔病菌同病毒,所以喺現時肺炎疫症期間高峰期,都要用番醫學口罩呀!

選擇口罩時要要揀有信譽嘅口罩製造商,同留意最內層既材質夠唔夠柔軟,避免材質粗糙嘅口罩,以減少口罩同皮膚磨擦引起敏感。戴口罩時,一有機會喺户外空曠嘅地方就除低口罩,俾皮膚休息下,而每個口罩最多8小時就唔好再用啦!

更多文章:【護膚診症室】黑頭粉刺愈來愈多?胡亂使用黑頭貼或者係元兇!

口罩荒已是不變嘅事實,大家辛辛苦苦搜購回來的口罩,究竟合格與否,相信很多市民仍然不太清楚。其實大家選擇口罩嘅時候,首先要留意出產地,因各國對口罩嘅標準不一樣。

日本口罩標準大致分為三類,BFE(Bacterial Filtration Efficiency)、PFE(Particulate Filtration Efficiency)及VFE(Viral Filtration Efficiency)。只有PFE和VFE大過95%嘅才可以有效隔離新形肺炎病毒。

這代表可過濾95%嘅0.1微米粒子。

更多文章:【護膚診症室】酒精用得越多越防疫?不容忽視的手部護理!

另一種非常普遍嘅就係韓國KF94口罩;這種口罩有效過濾94%嘅0.1微米粒子,跟日本以上兩種(PFE/VFE >95%)差不多。至於選擇美國或歐洲口罩的朋友就要記住美國的ASTM F2100 level 1 及2和歐洲標準的EN14683 Type I及Type II 先好買。

街上面賣嘅口罩種類繁多,買嘅時候最緊要記住以上標準,免得買錯咗就戴都冇為。

【編按:以上內容為作者之個人意見及立場】

相關文章

【抗疫奇招】 印尼「挖墳服務令」為染疫死者挖墳 懲罰無戴口罩巿民!

【新冠肺炎】政府宣佈周五起放寬部份防疫措施!堂食至晚上9時 豁免於郊野公園佩戴口罩

【另類教育】鬼馬校長以Rap 代教炮製抗疫洗腦歌 點擊突破500萬!

對抗新冠狀病毒!NCCO — IG 3合1皮膚鎖水修護膜

緊貼新冠肺炎最新相關資訊