2014-08-13

8K

親子廚房:金奇異果雪條

kinseymain

又有新嘢食,因為我地小豬家嘅親子廚房又出動,今次整咗簡單易整嘅金奇異果雪條呀!

係呢個炎炎嘅夏天,唔好話我地大人,就連小朋友都好想食啲雪糕雪條消消暑。

 

小小豬當然唔例外,雖然我地都間唔中都有畀雪條佢食,但我都總係覺得食得太多有色素嘅雪條好似唔係太好,所以就打算自家制嘅生果雪條俾小小豬食,咁就食得健康啲啦!

 

前幾日我係超級市場買咗啲金奇異果,所以就同小小豬一齊整雪條喇。

kinsey02

題外話:上次我地參加比賽之後,大肥豬就幫小小豬KEEP起咗頂廚師帽,等佢留為紀錄。點知當小小豬知道我地一齊整嘢食時,小小豬即刻話要戴住嚟整嘢食!

 

我先將啲金奇異果去皮切開一半,之後嘅功夫就交俾小小豬喇。

kinsey03

 

小小豬負責將啲金奇異果切粒粒。

kinsey04kinsey05

 

之後就用手動攪拌器打成金奇異果蓉。

kinsey06

 

可以倒入雪條棒棒啦!

kinsey08

 

原來五個金奇異果都只係做到三條雪條,不過都夠我地三口子食啦!

kinsey10

 

放入冰格雪大約四個鐘頭咗右,我地嘅金奇異果雪條可以食得啦!

由於雪到好冰硬,所以建議係甩雪條模時先用室溫水浸一分鐘,咁就可以好完整甩出嚟啦!

kinsey12

 

為食小小豬食得好滋味呢!

kinsey11

 

 

其實我覺得依個自家制雪條真係唔錯,只係用天然生果,而且方法簡單,所以依個夏天我都打算用多啲唔同種類嘅生果整雪條俾小小豬食,咁就可以食得健康啲嘛!

 

【編按:以上內容為作者之個人意見及立場】

相關文章

集合吧小廚師!結合STEAM及AR科技 從烹飪培養孩子多元發展 激發創意潛能 12大暑期小廚師班

媽媽每周與子女計劃餐單 網民讚超有愛︰慳番好多腦汁!

保鮮紙其實不保鮮?4大迷思及4種常見錯誤用法!

【2023母親節】不斷更新!母親節酒店自助餐合集 最平$184起!

緊貼新冠肺炎最新相關資訊