細細隻。。好易食嘅迷你脆脆黃金餃，令駿哥哥胃口返黎喇
中秋節當晚開始唔舒服左成個星期，
日日都冇胃口食野，每餐都係食幾啖就話飽，
飯唔食，菜唔食，生果唔食，包包唔食，
通粉。。烏冬通通都唔食。
成個人即刻瘦晒。心痛死媽媽
尋日終於搵到一樣佢食既野就係 #咖哩薯仔炒免治豬肉
撈白飯，成碗同我食晒。
於是就買料包餃仔佢食，今次用左煎同焗爐方法去做，照單全收，整左20隻。一口接一口差唔多食晒。
材料：
豬肉
洋蔥
薯仔
粟米粒
餃子皮
零納咖哩粉
BB豉油
糖
做法：
1. 豬肉洗淨，切件攪碎。加入少許糖，BB豉油醃45分鐘。
2. 薯仔洗淨，放入滾水煮至稔身，去皮壓爛備用。
3. 洋蔥切細粒，放入鑊炒至軟身，盛起，備用。
4. 先將豬肉碎炒熟，加入洋蔥，粟米粒加入咖哩粉調味炒勻。盛起。
5. 將薯蓉加入(4)撈勻，便成餃子餡料。然後就可以開始包餃子。
。。。。。。。。。。。。。。。。。
包餃子方法：
餃子皮切半，在邊位掃上水，倒入餡料並封口，
再用叉壓實封口
焗爐做法：
以180°預熱焗爐
#迷仔餃子 掃上油，放入焗爐以
攝氏180度焗10分鐘即成。
煎pan做法：
燒熱油鑊，排好 #迷你餃子 後，
以慢火將2邊煎至金黃色。
#一返學就病 #腸胃炎 #好返了 #咖哩 #薯仔 #惹味
#脆脆 #拌飯
