不時有JM會喺討論區呻同奶奶嘅關係，唔少人都會覺得煩！但喺有咁多問題，有冇一本解決「婆媳之道」嘅書呢？家家有本難念嘅經，如果有尼類嘅書，那麼「婆媳如何相處」應該喺最難念嗰章。今次有JM喺討論區度呻自己就黎生Ｂ，奶奶就成日煩住佢，其中5個問題煩到佢爆：
問題一：連工人做咩煮咩，都想要管佢
問題二：生B用剖腹定順產都要理
問題三：未生已經話要黎陪月、湊B
問題四：生左仲要話帶人上黎探BB
問題五：自出自入屋企
有冇過來人有遇過依類型嘅奶奶？用咩方法可以舒緩婆媳關係？一齊嚟分享，一齊嚟出下主意！
首先，諗諗奶奶點解會咁做？十成有九成人都諗，奶奶應該係緊張媳婦肚入面個個，仲有自己個囝，所以不少人覺得向老公投訴奶奶煩喺無用咖！曾有唔少帖子都會有提到：不如同奶奶嘈一鑊大，俾佢知自己有幾煩！又或者，有人分享如果奶奶再嚟煩，就唔理佢，當佢好似透明人……其實用咩方法，又或者無論奶奶有幾煩，如果以長期相處模式嚟講，跟奶奶好好溝通，互相了解大家嘅想法，慢慢建立一個互相幫助嘅關係，其實喺最好不過。
當然，並唔喺每個奶奶都咁願意配合，反正都煩，不如以奶奶煩少啲為目標—將奶奶對自己焦點轉移啦！究竟點做？幫奶奶報啲手工興趣班，等佢平時有啲細藝，識多幾個朋友，將注意力分散開，就唔會成日將焦點放係自己或者BB身。
唔知大家仲有冇啲更好嘅婆媳相處方法，去討論區一齊交流：
