2020-04-07

2K

理財個案--畢業生的決定

龔sir你好,我係一個fresh grad,我真係好感激你,你既故事令我覺得好熱血,令我覺得我都可以唔受環境所限,要達到目標!我每日都會諗起你發奮去創富既事,你真係我既偶像,真心。好多謝你!

但我返工就返得好唔開心,覺得自己社交能力好弱, 而且份工限制住唔可以工作時做自己野,每日加班加到7,8點。單次車程又用至少1.5hr。感覺已經冇左自己時間。而份工既收入只係15k.

本身自己找左份part-time,home office既,如果每日放工做多d,一個月可賺3000。

但正職已令我好累,根本好難真係賺到3000。

而且我好擔心自己會唔會冇時間去學投資。我都好想上你堂,但而加先第一個月返工,儲蓄10000都冇。要靠住自己先。

我應該點做好呢?

如果轉工,可能會整花個cv。(而且未必有15k)
如果唔轉,又會有好多問題。
應該點先可以在煩忙既工作中,儲蓄更加既現金同學習投資?

個案重點:
‧初踏入社會
‧現時收入不多
‧現金不足

重點目標:
‧可能轉工
‧如何提升收入

龔成老師分析:

剛剛出來做野,人工不高、儲蓄不多,這是正常的,你有鬥心,已經比不少人強,但要成功,都需要一d時間,好難話一次過突破所有野。

你現時正職雖然只有$15000,但唔洗急著轉工,因為初工作人工不高是正常的,你要把握機會吸收工作經驗,同埋學習。

至於你兼職果度,明白你已經好累,但我都希望你堅持一下。

其實我最初工作,正職人工$8000,逼自己儲$10000,當時逼自己做好多兼職,一個星期返7日,初出來做野頭1、2年我最忙,但我都做到,之後就開始鬆翻少少。

初頭是困難的,但如果你有目標,就會有動力。

我希望你這刻保持這份工職,同時做下兼職,等你可以儲多D錢,到遲D先辭去兼職。

另外,如果兼職真的佔你太多時間,你都要取平衡,我記得初工作頭兩年,我可以一邊做正職、一邊兼職、同時仲會逼自己睇投資書,這是我人生最忙的2年,但所有野都是逼出來。

我做兼職,都是補習之類的工作,時薪較高,同時時間有少少彈性。

你要在兼職與學投資方面,取一個平衡點。

【編按:以上內容為作者之個人意見及立場】

相關文章

【兒童理財】爸媽必學5個技巧教孩子學習理財 從小培養用錢得當小富翁!

【理財個案2022】30歲戶口無錢 累積財富最後機會

【富途送 $1,000 Apple Gift Card!】親子王國國民限定

【理財個案2022】從兼職到突破思維

緊貼新冠肺炎最新相關資訊