2018-12-10

5K

子女沉迷智能電話點算好?齊睇媽咪幾招KO!

今時今日智能電話已經成為生活嘅一部分,一出街無論係搭車等人食飯,個個都做晒低頭族。

有家長就喺forum呻,自從畀咗部智能電話畀讀中一的仔仔方便聯絡之後,就出事啦。仔仔好似上咗毒癮咁,由朝到晚都對住個電話,沒收佢部電話,就好似癲咗咁想打人,又話啊媽就嚟迫到佢自殺!唉,聽到都心痛。

有唔少家長都有同感,齊齊出謀獻計,一齊睇吓有咩方法:

斷wifi搏大霧

偷偷地改wifi密碼,等個仔以為個wifi壞咗之後,再改返舊密碼,仔仔就會以為屋企wifi不定時斷線。(個人認為呢個方法遲早穿煲!)

有商有量

同仔女約法三章,總之喺10點半之前做晒功課就可以玩電話,唔達標就閣下自理啦。

使用有內置鎖apps嘅智能電話

只有家長嘅指紋或密碼先可打開指定apps,子女就算要用電話問功課,都開唔到遊戲apps。

做多啲親子活動

對付年紀比較細的小朋友,家長可以每日計劃同佢玩,長時間陪伴兼玩遊戲,分散佢嘅注意力,自然可以減少對電話嘅依賴。

以前嘅家長就擔心仔女沉迷用電腦打機上網,而家呢一代就驚佢做低頭族。出街見到唔少家長為咗令仔女乖乖食飯,就擺部平版電腦播卡通片,畀佢坐定定。細細個就接觸呢類科技,又係咪一件好事呢?

即上討論區一齊傾

【編按:以上內容為作者之個人意見及立場】

相關文章

小孩如何避免/戒掉電子產品呢?

【生活係最好嘅教科書】你的品德如何,你的子女也必如何!

誰發明了親子活動?

【爸媽經驗分享】如何管理小朋友使用電子器材的時間

緊貼新冠肺炎最新相關資訊