2019-07-08

4.5K

嬰兒七色便便, 最健康原來係呢隻顏色!

聽過好多媽咪都有同一個煩惱,就係擔心嬰兒便秘,尤其是三歲以下嘅嬰兒,如果真係一兩日都無便便,媽咪已經會擔心到瞓唔著喇!其實嬰兒便便係咪暢順,同佢嘅消化及腸胃系統係好大關係嘅,所以從細細個就要建立一個好嘅消化系統,咁樣可以幫助到佢吸收更加多嘅營養,減少腸道負擔,就可以輕輕鬆鬆養成排便習慣啦!

七色便便暗藏健康密碼!

好多媽咪都主要關注嬰兒有無便秘,其實就算嬰兒便便暢通,媽咪都要睇埋便便係咩顏色,因為咩顏色就可以知道嬰兒嘅身體狀況,一般便便可以分為最基本七種顏色:分別係黃金色、墨綠色、綠色、黃色、暗紅色、灰白色同黑色,唔同顏色嘅便便代表住嬰兒嘅不同身體狀況,正常嘅嬰兒便便應該係呈黃金色,黏稠度係呈膏狀或者糊咗,而且唔會有好強嘅臭味。
如果便便係墨綠色,就代表腸道有問題;如果係綠色,就係嬰兒腸道蠕動得太快、有腹瀉風險,也可以係乳糖攝入過多或鐵元素吸收不當。
如果係明顯黃色就可能奶粉嘅糖分過多,導致消化不良;暗紅色便便就要留意會唔會係肛門有受傷,最好就要比醫生睇下。

而灰白色就可能係膽汁唔能夠正常流入腸道,所以呈現唔到深色嘅狀態;如果係嬰兒便便係黑色就比較嚴重,代表身體出現咗警號,要快啲睇醫生喇!

所以俗語都講嬰兒要屙「黃金便便」,就係代表身體狀態最理想呢!隨著嬰兒愈來愈大,媽咪更加要留意便便顏色,幫嬰兒保持最佳狀態!

提供優質蛋白質畀BB就最好!

嬰兒一般都係食奶粉,咁點樣先至可以消化得好啲呢?其實好多媽咪都知要揀啲高質素牛奶所制嘅奶粉,但係就容易忽略咗要睇埋奶粉嘅製做方法,因為優質制造方法先可以保留最大部份營養比嬰兒吸收。基本上一般製做奶粉可以分為單次成粉,或者多重加溫處理兩種方法,單次成粉就係只需將牛奶經過一次加熱處理,就轉為粉末,維持佢嘅蛋白質質量係最接近天然結構。相反如果經過多重加熱,就會破壞咗天然蛋白質嘅完整性,咁就算幾靚嘅牛奶源頭,做出嚟就奶粉質素都未必係最好,所以對嬰兒最重要嘅係「優質蛋白質」!優質蛋白質可減低糖化蛋白比例,令嬰兒可輕易吸收,腸道負擔少咗,嬰兒便便都會變得更暢通啦!

【編按:以上內容為作者之個人意見及立場】

相關文章

為什麼初生嬰兒要喝「配方奶粉」而不是一般牛奶?

選擇奶粉3大要點!保存牛奶蛋白質 預防寶寶敏感肚瀉

有效解決寶寶的便秘方法

想寶寶有健康軟便便?美素佳兒®金裝同你探討寶寶便秘情況!