2018-06-06

2.1K

【好味自家制】超可愛Peppa Pig曲奇

為逗傻豬開心,買左一SET佢至愛嘅Peppa Pig曲奇模,收到貨就當然要日即刻整返底等豬仔有個驚喜。

自己冇乜信心可以整得靚(因為整曲奇我嘅失敗率太高了),所以就去朋友開嘅小店,搵佢旁住我一邊吹水一邊整,就係咁......超可愛嘅PeppaPig曲奇出爐啦~

無鹽牛油 100克、雞蛋(打散) 2茶匙、低筋麵粉 200克、梳打粉 1/4茶匙、糖霜 60克、鹽 1g、雲尼拿香油 數滴~

當然最重要嘅就一定係....Peppa Pig曲奇模,真係勁可愛呀~

先將牛油放至室溫,待軟化後就用打蛋機打散~

然後打入糖霜,再用打蛋機以低速拌合~

蛋漿分兩數次加入~

然後再用打蛋機攪勻~

加入雲尼拿香油(如果唔喜歡可以不加嘅)~

用刮刀拌合好~

篩入麵粉、梳打粉及鹽~

然後搓勻成粉團狀~


粉團用面棍壓至0.5cm 厚~

可以用曲奇模印出形狀,想印得靚啲就可以係印之前將曲奇模沾上低筋麵粉,之後再敲敲曲奇模去掉多餘麵粉,咁個曲奇樣就會明顯啲又易印啲呀~


密密印...密密印...成個Peppa Pig嘅曲奇印好啦~

放入己預熱至180℃的焗爐,焗約12-15分鐘~

出爐啦....見到啲咁可愛嘅製成品,真係勁有成功感呀~

我依個份量大約有26塊,帶左一包去接小小豬放學,佢都不知幾開心,仲自豪咁拎住啲曲奇餅周圍話俾同學知係佢媽咪整俾佢食,真係俾佢笑C呀~

朋友仔今次教我嘅嘅曲奇除左令我好有成功感之外,佢個味道都真係唔錯,鬆脆得嚟又唔太甜,所以小小豬一次過食左十幾塊都唔會覺得口渴。
原來係佢將砂糖改為用糖霜有關,用糖霜少啲甜之外,做出嚟嘅曲奇面都會滑身啲,冇平日用砂糖咁多粗粒粒,所以做出嘅曲奇就可以又靚仔又好味啦!
小小豬不知幾鐘意食,已經叫左我再整曲奇俾佢再帶返學食,唔止整俾佢,仲叫我整多啲等佢分俾其他同學仔。既然佢鐘意又難得大方,咁就等我有時間再整過啦(唔好浪費咁可愛嘅Peppa Pig曲奇模嘛)。

【編按:以上內容為作者之個人意見及立場】

相關文章

港爸港媽自己做老師勁頭痕 除咗做家務同煮飯 仲有咩好教?

【媽媽護膚】懷孕期間免疫力較弱 患疣影響到寶寶的健康?

【新冠肺炎】簡單易整又慳錢 教你DIY四款口罩收納夾

【新冠肺炎】全球停學引發跨世代災難 聯合國警告:弱勢社群風險最高!

緊貼新冠肺炎最新相關資訊